Зейнетақы қаржысын "Отбасы банктегі" депозитке аударуға болады

Енді бес күннен кейін зейнетақы қорындағы ақшаңызды Отбасы банкінің депозитіне аудара аласыз. Отбасы банкінің басқарма төрайымы 16 желтоқсандағы мереке күндері қазақстандықтар үйде отырып-ақ, зейнетақы қаражатын депозитіне аудара алады деді. Осылайша, жаңа жылға дейін зейнетақы қорындағы жиған-терген ақшамызды пайдаланып үлгермей қаламыз деген 640 мың қазақстандыққа мүмкіндік беріліп отыр.
Депозит әлі ашпаған азаматтар да бірден депозитін осы зейнетақыдағы ақшасынан толтыра алады. Президенттің Үкіметке берген тапсырмасынан соң, бірден сүйіншілеп хабар таратқан Отбасы банктің төрайымы Ләззат Ибрагимова жүз мыңдаған қазақстандыққа тағы мүмкіндік беріліп отыр деді.
Өткен аптада "ең төменгі шек екі есеге өсетіні" айтылған соң, бір аптаның ішінде ақшасын пайдаланғысы келген қазақстандықтардың саны жүз жетпіс мыңнан асып кетті. Бұл әдеттегіден әлдеқайда көп. Мысалы, небәрі екі күнде қырық миыңнан астам азамат өтініш берген. Дәл сол күндері, естеріңізде болса еліміздің түкпір-түкпірінде отбасы банк пен зейнетақы қорының филалына ағылған халық та көп болды. Енді не істейміз деп сабылған азаматтарға Үкімет те, зейнетақы қорының мамандары да мардымды жауап бере алмады. Біз де жауаптылардан жауап ала алмай жүргенде қайтпек керектігін ақыры Президенттің өзі айтты. Сөйтіп зейнетақы қорындағы шектік мөлшер тек келер жылдың бірінші сәуірінен бастап қана өсетін болды. Дегенмен, қазіргі төменгі шекке де қаражаты жетпей отырған қазақстандықтар жетерлік. Кейбір елордалықтар бірінші сәуірге дейін мүмкіндік берілгеніне қуанып жүрсе, кейбірі қазірдің өзі төменгі шекке жете алмай жүрміз деді.
Банк төрайымының айтуынша, техникалық жүйенің барлығы дайын болғанымен, оған индустрия және инфрақұрылымдық даму министрлігі қаулы шығарып беруі керек. Ал, жауапты министрлік өкілдері қаулыны мемлекеттік органдармен келісе отырып жасаймыз, сондықтан 1-2 жұмыс күні қажет деді.
Сәйкестік пе, әлде жоспарлы түрде ойластырды ма, әйтеуір билік Тәуелсіздіктің отыз жылдығы қарсаңында зейнетақы шотының игілігін көрудің мүмкіндігін осылайша ұзартып берді. Алайда, сәуірге дейін бір жасқа есейетін азаматтар үшін жасына байланысты ең төменгі шек өзгереді.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар #Ақиқатын_Айтайық

Видео Зейнетақы қаржысын "Отбасы банктегі" депозитке аударуға болады канала Информбюро 31