کابل کې د ځانګړو ځواکونو په ستاينغونډه کې د يادو ځواکونو اتڼ او ګډاکانې.

د کومانډو ځواکونو د ځانګړي قول اردو مرستيال تورنجنرال خيال نبي احمدزى وايي، چې وسله والو طالبانو دقطر تر مذاکراتو وروسته شپاړس سلنه عامه تاسیسات ويجاړ کړي دي.
دولسي ملاتړ برنامې د يو تن استازي حضرت وفا وويل ، له ستاینغونډې يې موخه دملي امنیتي سرتیرو داتلولیو،سرښندنو او هیواد ساتنې په پار مینه او درنښت ورکول وو.
د سيمه ييزو ارګانونو د خپلواکې ادارې د ولسي ملاتړ برنامې رييس زين الله شهيد زوی وويل چې دهیواد په اوه قول اردوګانو کې یې سږکال دغه ډول برنامې وړاندې کړي دي .
هغه کوماندویان دهیواد دملي نوامیسو او استقلال ساتنې اتلان وبلل او زیاته یې کړه چې راتلونکی کال به هم ورته پروګرامونه جوړ کړي.
د سیمه ییزو ارګانونو خپلواکې ادارې دپالیسۍ مرستيال محمد سرور جوادی وویل له څلویښتو کلونو راهیسې دسیمې استخبارات او مغرضې استخباراتی کړۍ په دې هڅه کې دي چی دهیواد ملي امنیتی او دفاعی بنسټونه ونړوي.
دجوادي پر وينا ، له وسله وال پوځ د بیدریغه ولسي ملاتړ له برکته وسله وال مخالفين نه دي توانیدلي په دغه شوم پلان کې کامیاب شي.
د کومانډو دځانګړې قول اردو مرستيال تورنجنرال خيال نبي احمدزي وويل؛ وسله والو طالبانو دقطر تر مذاکراتو وروسته شپاړس سلنه عامه تاسیسات تخریب کړي،تردې چې پاخه سړکونه يې هم اړولي دی.
هغه زیاته کړه اصیل افغانان او فاتحین هغه مرکچیان دي چې له مذاکراتو وروسته دولسي او سیاسی مشورو لپاره هیواد ته را ستانه شوي ـ نه هغه چې اسلام اباد او پیښورته تللي دی.
دیادونې وړده چې د پروګرام په اوږدو کې دسرتیرو دمورال لوړونې او ملاتړ ګڼ شمیر تفریحی او فرهنګي ناستې هم تر سره او نظامي رژې وړاندې شوې.

share support subscribe !!
subscribe: www.youtube.com/pajhwokafghannews
Follow us on the links below:
https://www.facebook.com/pajhwoknews/
www.instagram.com/pajhwok
https://twitter.com/pajhwok
www.pajhwok.com 
video@pajhwok.com
mobaile : 0093770464141

Видео کابل کې د ځانګړو ځواکونو په ستاينغونډه کې د يادو ځواکونو اتڼ او ګډاکانې. канала Pajhwok Afghan News