Көпқабатты тұрғын үйлердің жертөлесі суға толып жатыр

Ал Қарағанды облысы Сәтбаев қаласындағы көпқабатты тұрғын үйлердің жертөлесі суға толып жатыр. Жиналған судан кәріз құбылары да шіріп кеткен. Бұған тікелей жауапты қаладағы «Сәт тазалық» компаниясы мәселеге әлі күнге дейін көз жұмып келеді дейді тұрғындар.
Көлкіген суға толы мына жертөлеге тұрғындар тек резеңке етікпен кіреді. Жаңбыр суы жиналған жер көгеріп, күлімсі иіс шыға бастаған. Сыздан тіпті тамның қабырғалары сөгіліп, сылағы да көтеріле бастапты. Соның салдарынан тұрғындар үйіміз құлай ма деп қауіптеніп отыр.
КӨПІРБАЙ ӘБІШЕВ, Сәтбаев қаласының тұрғыны:
– Мен он бес жыл тұрамын. Өмірі асты тазаланбайды. Подвал толған су. Құрт-құмырсқа ағып жатқан. Жаңбыр жауды ма, бітті мына жердің бәрін затопить етеді. Мына жерде адам жүре алмайды. Подвал толады.
ҚОЙШЫҒАРА АЙТЖАНОВ, Сәтбаев қаласының тұрғыны:
– Прокуратурасына бардық, «Нұр Отанға» бардым мен. Сол жаңағыдай уәде береді. Ана кісілер істейді, қатырады дейді. Бірақ қорытынды жоқ. Бүгінгі күнге дейін ешқандай көмек көріп тұрған жоқпыз.
Үйдің жертөлесін тазалап, құбырдағы ақау шықса қалыпқа келтіру «Сәт тазалық» компаниясының мойнында. Әр пәтер оларға ай сайын үш мың теңгеге жуық төлем жасайды. Алайда дым тартқан үйдің иелері ол қаржының қайда кетіп жатқанын білмей дал.
МЕРУЕРТ ӘЖІБАЕВА, Сәтбаев қаласының тұрғыны:
– «Сәт тазалыққа» төлеген төлемақыларына барлығын есеп беруін сұраймыз. Біздің талабымыз, мәселеміз, біз соншама ақшаны қайда төлеп жатырмыз.
ЖАННА АТАНАЕВА, «Сәт тазалық» ЖШС компаниясының участок жетекшісі:
– Бұл бұрыннан келе жатқан мәселе. Осыдан төрт жыл бұрын ешкім де бұл мәселені шешпеген. Жаңбыр жауса жертөлені үнемі су алып кететіні рас. Енді кезек бойынша жөндеу өткізетін боламыз.
«Сәт тазалық» компаниясының өкілі жертөлелерді тамызда жартылай жөндеуден өткізетіндерін айтады. Ал қаланы сумен жабдықтайтын кәсіпорын өкілдері жертөлеге жер асты суы келуі мүмкін дейді.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Көпқабатты тұрғын үйлердің жертөлесі суға толып жатыр канала Информбюро 31