Социалдык мамилелер (2 - Адам жана коом, 10-класс)

Социалдык мамилелер

Социалдык мамилелер – адамдардын жашоо жыргалчылыгын, мүмкүнчүлүктөрүн бөлүштүрүүдө, адамдын инсан болуп өнүгүүсүндө, материалдык, социалдык жана руханий муктаждыктарды камсыз кылууда тең укуктуулугунун натыйжасында келип чыккан социалдык субъектилердин ортосундагы мамилелер.

Топтор, социалдык топтор жана катмарлар, этностук биримдиктер – социалдык мамилелердин негизги субъекттери болуп саналат.

Коомдук мамилелерди чөйрөсүнө жараша төрткө бөлсөк болот:
1. Экономикалык чөйрөдөгү мамилелер
2. Саясий чөйрөдөгү мамилелер
3. Руханий чөйрөдөгү мамилелер
4. Социалдык чөйрөдөгү мамилелер

Коомдук мамилелер төмөнкүлөрдүн ортосунда пайда болот:
А. Адам – коом, коом – адам мамилеси
Б. Индивид – коомдун өкүлү
В. Коомдун ичиндеги элементтердин, компоненттердин, подсистемалардын арасында
Г. Түрдүү коомдор арасында
Д. Ар түрдүү социалдык топтордун, социалдык жалпылыктардын (бирдик), коомдук организациалардын өкүлү катары индивиддердин арасындагы жана бир топтун индивиддеринин арасындагы мамилелер.
Социалдык мамилелердин 5 түрү:
1. Алмашуу - иш-аракеттердин ордуна сыйлык алуу үчүн кабыл алынган жеке, топтук же жамааттык өз ара аракеттенүү.
2. Атаандашуу - эки же андан көп адамдар же топтор бирөө гана жете алган максатка жетүү үчүн бири-бирине каршы чыкканда пайда болгон өз ара аракеттенүү.
3. Чыр-чатак (конфликт) - башка адамдын же адамдардын эркине каршы турууга, зыян келтирүүгө, күч менен башкарууга же эркине каршы турууга атайылап аракет кылуу.
4. Кызматташтык - эки же андан көп адамдар же топтор көптөгөн адамдарга пайдалуу болгон максатка жетүү үчүн чогуу иштешкенде пайда болгон өз ара аракеттенүү.
5. Компромисс - кызматташтык жана чыр-чатак (конфликт) ортосундагы тең салмактуулук абалы.

Our Social Media
_____________________________________________
YouTube : https://www.youtube.com/bosogo
Facebook: https://www.facebook.com/bosogokg
Instagram: https://www.instagram.com/bosogokg

Видео Социалдык мамилелер (2 - Адам жана коом, 10-класс) канала BOSOGO