"Беларусь і сучасныя палітыкі ідэнтычнасці". Размова з Пётрам Рудкоўскім

Праблематыка ідэнтычнасці, сацыяльнай, культурнай, індывідуальнай, – заўсёды была важнай для філасофіі і сацыяльных навук. Якім чынам і навошта індывіды і сацыяльныя групы (вы)знаходзяць сваю тоеснасць, г.зн. саміх сябе, і доўжаць сябе ў часе? З якіх элементаў тоеснасць складаецца? Як і чаму яна змяняецца і хто адказны за гэтыя змены?

У апошняе дзесяцігоддзе да гэтых “вечных” пытанняў дадаліся наступныя: якім чынам тоеснасць звязана з уладай, панаваннем? Як сучасная ўлада скарыстоўвае тоеснасці дзеля сваіх мэтаў, спрыяючы падзелу грамадства на розныя, часам варожыя і антаганістычныя групы? І што грамадства можа такім стратэгіям супрацьпаставіць?
Гэтыя праблемы (палітыка ідэнтычнасці) знаходзяцца сёння ў цэнтры дэбатаў і дыскусіяў у сучаснай заходняй акадэміі.

Пра суразмоўцу:
Пётра Рудкоўскі – філосаф і палітычны аналітык, дырэктар BISS (Беларускага Інстытуту Стратэгічных Даследаванняў), выкладчык Беларускага Калегіюма (курс “Прагматыка ідэнтычнасці”).

Сустрэча ў межах семінара "Інтэлектуальная гісторыя посткамунізму".

---
Беларускі Калегіюм https://belcollegium.by​​​
Навіны ў Telegram https://t.me/belaruski_kalegium​​​
Суполка на Facebook https://www.facebook.com/kalegium/​​​
Група ў VK https://vk.com/belaruski_kalehium

Видео "Беларусь і сучасныя палітыкі ідэнтычнасці". Размова з Пётрам Рудкоўскім канала Беларускі Калегіюм