Yekun xəbərlər 02.03.2021 (Musa Media)

İki həftəlik fasilədən sonra Qarabağda axtarış işləri bərpa edilib.
Publika.az xəbər verir ki, son döyüş əməliyyatları zonasında itkin düşən və ölən hərbçilərin qalıqlarının axtarışı bu gün Kəlbəcər istiqamətində aparılacaq.
Qeyd edək ki, kəşfiyyat işləri Azərbaycan tərəfinin istəyi ilə fevralın 15-də dayandırılmışdı.
Ümumi axtarışlar Ağoğlan qəsəbəsi, Füzuli və Cəbrayıl istiqamətlərində aparılır.
Atəşkəsdən sonra, 13 noyabr 2020-ci il tarixdən bu günə qədər aparılan axtarış işləri nəticəsində 1485 erməni hərbi qulluqçusunun cəsədi tapılıb.
1993-cü ildən bağlı olan Türkiyə-Ermənistan sərhədlərinin açılması yenidən gündəmə gəlib.
Ermənistan xarici işlər naziri Ara Ayvazyan Qarabağdakı son müharibədən sonra Ankaranın daha sərhədləri açmalı olduğunu söyləmişdi.
Yenisabah.az xəbər verir ki, Modern.az mövzu ilə bağlı türkiyəli deputat, Cümhuriyyət Xalq Partiyasının (CHP) üzvü Atilla Sertelə müraciət edib.
"Hazırda Türkiyə Ermənistan sərhəddinin açılması müzakirə mövzusu deyil. Mövzu ilə bağlı qərarı verə biləcək şəxs Rəcəp Tayyip Ərdoğandır".
Martın 3-də Bakıda və Abşeron yarımadasında hava şəraiti dəyişkən buludlu, əsasən yağmursuz olacaq. Arabir güclənən cənub-qərb küləyi əsəcək, axşam mülayim şimal küləyi ilə əvəz olunacaq. 
ETSN-nin Milli Hidrometeorologiya Xidmətindən Yenisabah,az-a verilən məlumata görə, havanın temperaturu Abşeron yarımadasında gecə 3-5, gündüz 10-14, Bakıda gecə 3-5, gündüz 12-14 dərəcə isti olacaq. Atmosfer təzyiqi 768 mm civə sütunundan 761 mm civə sütununa enəcək, nisbi rütubət gecə 70-80, gündüz 50-55 faiz təşkil edəcək.  
Martın 3-də Azərbaycanın rayonlarında hava şəraitinin əsasən yağmursuz keçəcəyi, lakin gecə və axşam bəzi yerlərdə yağıntılı olacağı, dağlıq ərazilərdə qar yağacağı gözlənilir. Arabir duman olacaq, qərb küləyi əsəcək, ayrı-ayrı yerlərdə arabir güclənəcək. 

Havanın temperaturu gecə 1 dərəcə şaxtadan 4 dərəcəyədək isti, gündüz 10-15 dərəcə isti, dağlarda gecə 4-8, yüksək dağlıq ərazilərdə 10-12 dərəcə şaxta, gündüz 0-5 dərəcə isti olacaq. 
Tibbi-meteoroloji proqnoza əsasən martın 3-də Abşeron yarımadasında atmosfer təzyiqinin aşağı enməsi fonunda gilavar küləyinin arabir güclənəcəyi gözlənilir ki, bu da bəzi meteohəssas insanlarda narahatlıq hissi yarada bilər. 
Ermənistan noyabrda Qarabağ müharibəsi zamanı Rusiya istehsalı olan ballistik “İsgəndər” raketini Bakını vurmaq üçün istifadə edib. Lakin raket Bakı üzərində Azərbaycan Ordusu tərəfindən məhv edilib.
“Yeni Sabah” Bakıpost.az-a istinadən xəbər verir ki, bu sensasion materialı yüksək rütbəli məmura istinadla Britaniya nəşri "Middle East Eye" yayımlayıb.
“İrəvan “İsgəndər” ballistik raketi ilə atəşkəsdən bir neçə gün əvvəl Bakını vurmaq istəyib. Amma Azərbaycan Silahlı Qüvvələri tərəfindən istismar olunan HHM sistemi, daha dəqiq desək, İsrailin “Barak-8” sistemi onu havada məhv edə bilib”, - deyə britaniyalı məmur bildirib.
Ermənistan hərbiçilərinin ölkənin baş naziri Nikol Paşinyana qarşı çıxmaları, onun 44 günlük Qarabağ müharibəsi zamanı istifadə olunan Rusiya silahları barəsində söylədiyi fikirlərlə bağlıdır.
23 fevralda yerli televiziyaya müsahibəsi zamanı Paşinyan bildirib ki, ”İskəndər” raketləri Ermənistan ordusunun döyüş cərgəsindəki ən müasir silahdır, ancaq bu silah mahiyyət etibarıyla faydasız olub. Onun sözlərinə görə, müharibənin gedişi zamanı buraxılan “İskəndər” raketləri “partlamayıb və ya onların yalnız on faizi partlayıb”.
Müsahibə götürən jurnalist Paşinyandan söylədiklərinin həqiqətə uyğun olduğunu təsdiq etməyi xahiş edib. Paşinyan isə müəmmalı cavab verib: ”Bilmirəm... Ola bilər ki, bu 80-ci illərin silahıdır...”
Paşinyanın sözləri onun sələfi, 2018-ci ildə “məxməri inqilab” zamanı devrilmiş Serj Sarqsyanın müsahibəsinə cavabdır. Belə ki, eks-prezident Paşinyanı tənqid edərək deyib ki, o, müharibədə praktik məğlub olana kimi “İskəndər” raketlərindən istifadəni ləngidib. Paşinyandan müsahibə götürən jurnalist isə, ondan bu bəyanata cavab verməsini istəyib.
2016-cı ildə baş verən Aprel döyüşlərində Serj Sarqsyan Ermənistanın “80-ci illərin silahları” ilə döyüşdüyünü bildirmişdi. Bu sözlərinə görə Sarqsyan kəskin tənqidə məruz qalmışdı. 2020-ci ilin yanvarında Paşinyan “indi 80-ci illərdən qalma rüsvayçı silahlar dövrü bitdi” deyərək, Rusiyadan aldığı bir neçə yeni silahlara işarə etməklə öyünürdü.
“İskəndər” raketləri 80-ci illərin silahı deyil. Bu, Rusiyanın ən qabaqcıl ballistik sistemidir və Ermənistan onu 2016-ci ildə əldə edib. ”İskəndər” raketləri Ermənistana Bakıya və onun strateji neft-qaz infrastrukturuna zərbə vurmaq imkanı verib.
Məlumdur ki, silah ixracı Rusiya üçün yaxşı biznesdir, həm də Rusiya silahı dövlətin nüfuzu sayılır və ona görə də Paşinyanın “İskəndər” haqqındakı sözləri ruslar tərəfindən süngüylə qarşılanıb. Ermənistan Rusiyanın bu qabaqcıl sistemini əldə edən yeganə xarici ölkədir.
Rusiya Dövlət Dumasının müdafiə məsələləri üzrə komitəsinin sədr müavini Viktor Zavarzin Paşinyanın bəyanatını “tam yalan” adlandıraraq deyib ki,

Видео Yekun xəbərlər 02.03.2021 (Musa Media) канала Musa Media