OKMK professional futbol klubi akademiyasi filiallari kengaymoqda

OKMK futbol akademiyasi filiallari boʻyicha Toshkent viloyati sport boshqarmasi bilan hamkorlik yoʻlga qoʻyildi

Xabaringiz bor, Olmaliq kon metallurgiya kombinati aksiyadorlik jamiyati va OKMK futbol klubi rahbariyati tashabbusi bilan Olmaliq shahrida futbol akademiyasi tashkil etish borasida tamal toshi qoʻyilgandi.

Futbol maktabidan futbol akademiyasi sari boshlangan loyihada bir qator amaliy ishlar amalga oshirildi va oshirilmoqda. Yaqindagina «Olmaliq KMK» aksiyadorlik jamiyati koʻmagida qoʻshimcha sun’iy maydon yosh futbolchilar uchun foydalanishga topshirilgan edi. Shuningdek, akademiya tarbiyalanuvchilarining Olmaliq shahrida doimiy istiqomat qilishi va sportchilarga xos tarzda ovqatlanishi uchun shahardagi «Bahor» mehmonxonasi klub ixtiyoriga berildi. Hozirgi kunda ushbu mehmonxona binosining taʼmirlash ishlari olib borilmoqda.

Akademiya tarbiyalanuvchilarining asosi Olmaliq shahriga qoʻshni boʻlgan hududlarda istiqomat qilayotgan bolalar hisobiga toʻldirish ustivor vazifa etib belgilangan. Bu yoʻlda Olmaliq shahrining geografik jihatdan qoʻshni hududlari – Ohangaron, Boʻka, Piskent, Angren hamda Nurafshon shahridagi futbol maydonlari va u yerdagi yoshlarning futbolga boʻlgan qiziqishi, aholi va sportning futbol turi toʻgaraklariga qatnovchi bolakaylar soni, umumiy qilib aytganda mavjud sharoitlar oʻrganib chiqilgan.

Yuqoridagilardan kelib chiqib, OKMK futbol klubi rahbariyati Toshkent viloyati sport boshqarmasiga ikki tomonlama hamkorlik qilish istagini bildiruvchi taklif kiritgandi. Yaʼni, OKMK futbol klubi joylardagi stadionlar maysalari parvarishi va uning sugʻorish tizimi kabi jihatlar borasida koʻmaklashishi, eng asosiysi esa har bir hududning kamida bittadan murabbiyini shartnoma asosida ishga qabul qilib, u yerdagi futbol toʻgaraklari uchun futbol toʻplari, sport anjomlari va boshqa moddiy texnik baza rivoji uchun sharoitlar yaratilib berilishi koʻzda tutilgan.

Shu o'rinda Toshkent viloyati sport boshqarmasi oʻz tarkibidagi futbol maktablarida tarbiyalanayotgan yosh iqtidorlarni viloyatimiz shaʼnini himoya qilayotgan OKMK futbol klubi birinchi boʻlib yetkazib berish majburiyatini oladi. Yaʼni, OKMK futbol akademiyasi U-19 va yoshlar tarkiblari uchun birinchi seleksiya ishlari aynan yuqorida sanab oʻtilgan beshta hudud tarbiyalanuvchilariga qaratiladi.

4-iyun kuni «OKMK sport majmuasi» ofisida OKMK futbol klubi bosh direktori Bahodir Mirzayev va Toshkent viloyati sport boshqarmasi boshligʻi Rustam Boboqulov rahbarligidagi delegatsiya vakillari ishtirokida oʻzaro memorandum imzolash tadbiri oʻtkazildi. Imzolangan memorandum yuqorida sanab oʻtilgan jihatlarni keng qamrovda oʻz ichiga olgan boʻlib, endi tomonlar OKMK futbol akademiyasining Ohangaron shahri va  tumani, Bo‘ka, Piskent tumanlari, Angren va Nurafshon shaharlarida hamda Qiziltog' filiallari borasida oʻzaro hamkorlikni jadal suratda davom ettirish imkoniyatiga ega boʻldilar.

🎤 Kadrdagi ovoz: Ali Abduahadov
🎥 Operator: Jasur Boynazarov
💻 Montaj: Erkin Nabiyev

📲 Telegram.me/Ali_Abduahadov
📲 Instagram.com/Ali_Abduahadov
📲 Facebook.com/Ali.Abduahadov.fb

Видео OKMK professional futbol klubi akademiyasi filiallari kengaymoqda канала ALI ABDUAHADOV