Халық үміті ақталды ма? Утилизациялық алымның ставкасы 50 пайызға төмендеді

Бұған дейін талай дауға айналған утиль алымның мөлшері 50 пайызға қысқарды. Мысалы, осыған дейін көлемі мың текше сантиметр автокөлікке 437 мың 550 теңге алынса, бүгіннен бастап 229 мың 725 теңге төленеді. Алайда, кей сарапшылар мұның өзі қуантарлық өзгеріс емес, утильалым бұдан да аз болу керек еді деп санайды. Ал, қарапайым халықтың көбі тіпті мұндай алымды мүлдем алып тастауды талап етіп отыр.
Шетелден, әсіресе, көршілес Ресейден біздегіден арзан көлік әкелемін деп отырған көп азаматтың үміті бүгін су сепкендей басылды. Роман Склярдың утильалымды 50 пайызға азайттық дегенінен соң халық "бәрібір қымбат" деп өре түрегелді. Ал, қарапайым азаматтардың кейбірі утильсборды көліктің көлеміне қарап бөліп-жармай 100 мың теңге қылсын десе, кейбірі утильалым мүлдем болмасын дейді.
Утиль алымның бүгінгі арзандатылған тарифімен көліктің бағасын есептеп көрейік. Мысалы, Ресейден 2010-шы жылғы Тойота камри алғыңыз келеді делік. Қазір ол жақтағы құны 4,5-5 миллион теңгенің арасында. Бұған баж салығын қосыңыз. 2010-шы жылғы болғандықтан бастапқы тіркеуге 1 миллион 325 мың 500 теңге төлейсіз. Оған тағы 756,750 теңге утиль алымды қосамыз. Бәрін қосқанда 6 миллион 582 мың 550 теңге болады. Яғни, ресейлік 2010-шы жылғы ең арзан деген Тойота камриге кемінде алты жарым миллион теңгеден астам қаржы жұмсайсыз.
Ал, Роман Скляр отандық автоөндірушілерді қолдау үшін шетелден келетін автокөліктерге утиль алым жасап отырмыз дейді. Ал, Қазақстанда құралған көліктерге ешқандай утиль алым болмайды. Яғни, утиль алымды отандық өндірушілерді қолдау үшін, қазақстандықтар шетелдік емес, қазақстандық автокөлікке отыруы үшін істеп отырған амал.
РОМАН СКЛЯР, ҚР Премьер-Министрінің бірінші орынбасары:
– Біздің автоөндірушілер утильалым төлемейді. Мысалы, былтыр 92 мың отандық автокөлік шықты. Олар утиль алым төлемеді. Неге біз шетелдік автопромның қалтасын қампайтуымыз керек? Мысалы шетелдік диллер 10 миллион теңгеге машина сатса оның қаншасы өз пайдасына, қаншасы өндірушіге кетіп жатыр? Белгісіз.
Ал, сол 10 миллион теңгеге қазақстандық көлік сатып алатын болсаңыз 25 пайызы яғни, 2 жарым миллионы салыққа, автомоибльді құрастырған жұмысшылардың айлығына кетеді. Роман Скляр тек жеңіл машиналар ғана емес, ауылшаруашылық техникаларына 2019 жылы утиль алым қойғанымыздың арқасында қазір Қостанайда трактор жасайтын зауыт ашылды деп отыр. Яғни, утильалым дегеніміз отандық автоөндіріске құйылған инвестиция дейді.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#УтилизациялықАлым #СтопУтильСбор #автопром

Видео Халық үміті ақталды ма? Утилизациялық алымның ставкасы 50 пайызға төмендеді канала Информбюро 31