Президенттің қатаң сынына іліккен «Самұрық Қазына» бірнеше компаниямен жұмысын тоқтатты

«Елге пайдасы тимесе Алмасадам Сәтқалиев пен де, "Самұрық-Қазына" қорымен де қоштасамыз» деген Президенттің ескертуінен кейін, жауаптылар қорды реформалауға кірісе бастаған сияқты. Бүгін, "Самұрық-Қазына" Басқарма төрағасы Алмасадам Сәтқалиев штаттағы 248 қызметкердің тең жартысын, яғни 124-ін, басқару құрылымын 10-нан беске дейін қысқартатынын айтты. Осылайша, "кеңесші" деген лауазым штаттан жойылып, бас-аяғы құрылымдық бөлімдер 27-ден 18 позицияға азайып отыр.
Енді "Самұрық-Қазынаның" шетелдегі бөлімшелері жабылып, тендерге бақылауды күшейту үшін жаңа ережелер енгізіледі. Сондай-ақ, қор бүгіннен бастап "Самұрық-Қазына Инвест", "Samruk-Kazyna Construction", "Самұрық-Қазына Контракт", "Самұрық-Қазына Бизнес Сервис" компанияларымен шұғыл түрде жұмыс істеуді тоқтатты. Айта кетейік, Самұрық Қазына басқарма Төрағасы Алмасадам Сәтқалиев қордың активтерін кез келген қазақстандық иемдене алады деп отыр. Ұлттық байлығымызды бөлу жұмысына қазақстандықтардың белсене атсалысуын өтініп, әрбір сұраққа ашық жауап беріп, әр азаматтың ұсынысы ескерілетінін айтты
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Президенттің қатаң сынына іліккен «Самұрық Қазына» бірнеше компаниямен жұмысын тоқтатты канала Информбюро 31