Қазақстанның кей қалаларындағы «Отбасы банктің» бөлімшелерінде ұзын-сонар кезек басталды

Қазақстанның кей қалаларындағы "Отбасы банктің" бөлімшелерінде ұзын-сонар кезек басталды. Халық таңнан зейнетақы қорындағы шекті сомадан асатын ақшаны алып қалуға асығып жатыр. Ал бір күнде тым көп халықты қабылдап үйренбеген банк, қосымша менеджерлерді қызметке тартып әлек. Өйткені келушілердің саны екі-үш күнде бірден 40 пайызға артқан.
Атырау қаласындағы Отбасы банктің бөлімшесінде таңнан кешке дейін осындай қарбалас. Жаңа жылға дейін зейнетақы қорындағы артық ақшасын алып қалуға асыққандар көп. Кейбір салымшылар тіпті таңғы сағат жетіден қалмай кезекке тұрыпты. Сонда да банк қызметі өте баяу дейді. Айтуларынша, санаулы менеджер ғана қызмет көрсетіп жатыр. Соның кесірінен келушілер 2-3 сағат дейін күтуге мәжбүр.
АЙГҮЛ АЙТУҒАНОВА, қала тұрғыны:
– Қараңызшы бәрінде ешкім жоқ. Тек қана 2-3 кісі жасап жатқан. Ал қаншама халық тұр. Қараңыз өзіңіз.
БАҚТЫГҮЛ САНАЗАРОВА, қала тұрғыны:
– Әлі отырмыз 1 сағат жарым болды. Невозможно, обслуживаниесі онша емес. 2 күн жүрмін,әлі жүрмін.
Жыл соңына дейін қаржысын оңтайлы жұмсап үлгергісі келетін халық банктың онлайн кеңесшілерінің қызметіне де риза емес. Сөздерінше байланыс телефондарына да мүлде жауап бермейді. Ал банк өкілдері қызмет алушылар соңғы екі-үш күнде бірден 40 пайызға көбейіп кетті дейді. Дегенмен, зейнетақы қорындағы өзгерістерге байланысты уақытша келеңсіздік, көп ұзамай реттеледі деп сендірді.
НҰРБОЛАТ БАТЫР, «Отбасы банкі» Атырау облыстық филиалы директорының орынбасары:
– Иә банкке келген азаматтардың саны көбейді. Бірақ банк тарапынан жұмыстар атқарылып жатыр. Біздер қосымша менеджерларды жұмысқа қосып жатырмыз. Барынша кезекті азайтуға жұмыстар жүргізіліп жатыр. Жалпы залда 10 менеджер болса, қазір 4 менеджер қосайын деп жатырмыз. Сонымен қатар, 80 штаттан тыс кеңесшісі бар.
Айта кетсек, Атырау облысында 46 мыңнан астам адам зейнетақы шотындағы қаражатын тұрғын үй жағдайын жақсарту үшін алса, 11 мыңнан астам адам емделуге алған.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар #Ақиқатын_Айтайық

Видео Қазақстанның кей қалаларындағы «Отбасы банктің» бөлімшелерінде ұзын-сонар кезек басталды канала Информбюро 31