«Өрмекші адам» Алматыдағы ең биік ғимаратқа өрмелеп шығуға бел буып отыр

Әлемге әйгілі француздық «Өрмекші адам» Ален Робер еліміздегі ең зәулім ғимаратқа өрмелеп шығуды жоспарлауда. Ал 88 қабаттан тұратын Астанадағы Абу-Даби Плаза ғимараты әлі салынып біткен жоқ.

Дегенмен, «Өрмекші адам» биіктігі 380 метрден асатын алып нысанды бағындырудың амалын қазірден қарастырып жатыр.

Әрине, бұл шындық емес. Біздің қиялымыз ғана. Расында француз азаматы Алматыдағы ең биік ғимаратқа өрмелеп шығуға бел буып отыр.

Қауіп-қатері көп спорт түрімен шұғылданатын 53 жастағы спайдермэн әлемдегі ең биік 70 ғимаратты бағындырып, есімі дүниежүзілік Гиннесс рекордтар кітабына енген.

Біздің тілшілерміздің ержүрек адамнан алған эксклюзивті сұхбатын ұсынамыз. Билдеринг көпқабатты ғимараттар мен биіктігі бас айналдырар нысандарға өрмелеп шығуды ағылшынша осылай атайды. Бұл аса қауіпті спорт түріне ресми рұқсат жоқ. Бірақ ерік-жігерін сынап көргісі келетіндер үшін бұл таңдаулы жол саналады. Ален Робер сондай жанның бірі.

Ален Робер, жартасқа өрмелеуші /Франция/

-Мен жартасқа өрмелеп шығу спортымен 11 жасымнан бастап шұғылдана бастадым. Бұл іспен еріккеннен айналыспаймын. Жан мен тән қалауым осы. Мұндай шараны ұйымдастырушылар менің барыс-келісіммен, жатын орнымды қаржыландырады.

Алып ғимараттарға шығатын Аленді жұрт «Өрмекші адам» деп атайды. Көпшілік тәуекелі мен қатері басым бұл әрекетін айыптайды. Бірақ оның шеберлігіне таңданатындар да баршылық.

Ален Робер, жартасқа өрмелеуші /Франция/

- Сақтандыру компаниялары мен сияқты адамдарды көп қолдай бермейді. Өйткені бұл өте қауіпті. Дегенмен, менімен жұмыс істегісі келген бір компанияның табылғанына ризамын.

Өрмекші азамат Дубайдағы «Бурдж-Халифа», Куала-Лумпурдағы «Петронас мұнараларын» бағындырған. Олармен салыстырғанда Алматыдағы биіктігі 168 метр болатын бизнес орталық онша үрейлі емес тәрізді.

Бірақ өрмекші адамның өзі олай санамайды. Бұған дейін көбіне сақтандыру құралдарын пайдаланбаған Ален Роббер бұл жолы тайып кетпеу үшін сақтық құралдарының көмегіне жүгінбек.

Авторы: Алмас Сәдуақас, Әбен Нарынбаев

Видео «Өрмекші адам» Алматыдағы ең биік ғимаратқа өрмелеп шығуға бел буып отыр канала novosti khabar2016