​Тошкентликлар нимадан норози; Беларус ва Ўзбекистон - нима бирлаштириб туради? BBC News O'zbek​

​Тошкентликлар нимадан норози; Беларус ва Ўзбекистон - нима бирлаштириб туради? BBC News O'zbek​

Тошкент шаҳри ва Тошкент вилояти ҳудудларини ўзгартириш бўйича ҳукумат лойиҳасига қарши пойтахтликлар норозилик билдиришда давом этмоқда.

5 август куни президент Шавкат Мирзиёев мазкур лойиҳа тафсилотлари билан танишган эди.

Лойиҳада пойтахтдан минг гектардан ошиқроқ ҳудуд Тошкент вилоятига ўтказилиши кўзда тутилган.

6 август куни Учтепа туманидан Тошкент вилояти Зангиота туманига ўтказилиши режалаштирилган маҳаллалар аҳолиси норозилик билдириб, кўчада тўпланган.

10 август куни Учтепа туманидаги Ўрикзор маҳалласи яшовчиси Би-би-си билан боғланиб, расмийлар одамлар талабига қулоқ солишга ваъда берган бўлсада, аҳолида бу ваъдаларга ишончсизлик юқори экани, маҳаллалар вилоят таркибига ўтиб кетишдан қўрқиб яшаётганини маълум қилди.

Бир вақтнинг ўзида Тошкент шаҳри Мирзо Улуғбек туманига қарашли Улуғбек шаҳарчаси аҳолиси ҳам ўз ҳудудининг Тошкент вилояти Қибрай туманига ўтказиб юборилишидан норозилик билдирмоқда.

Президент Шавкат Мирзиёев Александр Лукашенконинг 9 август куни ўтган президентлик сайловидаги ғалабаси билан табриклаган.

9 август кунги президентлик сайлови натижаларидан норози бўлиб, ўз тақдирини ҳал этиш учун кўчага чиққан Беларус халқи 26 йил ҳокимиятни эгаллаб келган президент Александр Лукашенкони кетсин, демоқда.

Мухолифат бу натижаларни тан олмаган, европалик сиёсатчилар сайлов заррача ҳам шаффоф ва ҳалол ўтмаганини таъкидлаб, ҳукуматни ўз норозилигини билдирган белорус халқига нисбатан шафқатсиз муносабатда бўлишда қоралаган.

Аммо 9 август куни Беларус президентлигига сайловда халқаро кузатувчи бўлиб иштирок этган Ўзбекистон Марказий сайлов комиссияси раиси ўринбосари Маҳмуд Истамов маҳаллий телевидениега берган интервьюсида сайлов «сокин кайфиятда, ҳалол ва шаффоф ўтаётгани»ни билдирган.

Бундан ташқари жаноб Истамов Ўзбекистон шу пайтга қадар ўтказилган сайловларининг ҳеч бири шаффоф ёки адолатли, деб тан олинмаган Беларус Марказий сайлов комиссияси билан сайловларни қандай ўтказиш борасида тажриба алмашиб келиши ҳақида гапирган.
https://youtu.be/wcF9kbmiDVc
BBC News O'zbek янгиликлар каналига хуш келибсиз!

#bbcuzbek Ўзбекистон, (Узбекистан - Uzbekistan - O'zbekiston) Марказий Осиё ва дунё бўйлаб юзлаб мухбирларимиздан келадиган видео янгиликлар ҳар куни мана шу каналда. Нафақат янгиликлар, балки қизиқарли воқеалар, санъат, мусиқа, маданият ва тарих ҳақида бетакрор видео фильмлар учун ҳам каналимизга аъзо бўлинг - https://www.youtube.com/user/bbcuzbek
Вебсаҳифамиз - bbcuzbek.com
Facebook: https://www.facebook.com/bbcnewsuzbek
OK.RU: https://ok.ru/bbcuzbek
Instagram: https://www.instagram.com/bbcuzbek/
Telegram: https://t.me/bbcuzbek
BBC News O'zbek - BBC News O'zbek tilida, onlayn, TV va ijtimoiy tarmoqlarda

Видео ​Тошкентликлар нимадан норози; Беларус ва Ўзбекистон - нима бирлаштириб туради? BBC News O'zbek​ канала BBC Uzbek