Туркманистонча фоҳишалик

Туркманистонча фоҳишалик
Центразия сайтинг хабарига кўра: бугунги кунда Туркманистон жумҳуриятининг Тошоғуз шаҳридаги аёллар колониясида фоҳишалик қилган деган айб билан 37 та аёл жазо муддатини ўтамоқда. Уларнинг орасида ёши 52 дан юқори бўлган бир аёл, ҳамда ёш болалик ва набиралик аёллар ҳам бор.
Аслида улар ҳеч қачон фоҳишалик билан шуғулланишмаган. Уларнинг ягона айби иккинчи хотин бўлиб турмуш қурганлигидир. Туркманистонда кўпхотинлик қонун тарафидан манъ қилинган. Лекин бу ерда шариъат қонунига мувофиқ биттадан кўп аёл билан оила қурган эркаклар кўплаб топилади.
Ҳуқуқни химоя қилиш органлари ходимлари учун иккинчи хотин бўлиб турмуш қурган аёлларни овлаш манфаат манбаига айланиб қолган. Улар бундай оилаларни топиш учун айғоқчилар ёллайдилар. Тузоққа илинган аёллар қийин аҳволда қолиб ушбу икки ишдан бирини танлаши керак бўлади:
1.5000 АҚШ доллари миқдорида жарима.
2.Туркманистон республикаси жиноят кодексининг 137 ва 138 моддаларига кўра жиноий иш қўзғатилиши. Уларга асосан иккита айб қўйилади. Шахсларни товламачилик йўли билан фоҳишабозлик қилишга ундаш ва фоҳишалик билан шуғулланиш. Жарима тўлай олмаганларни эса икки йиллик қамоқ жазоси кутади. Бугунги кунда, жиноят кодексининг ана шу моддасига кўра 3 - 4 мингта аёл жарима тўлади. Лекин жарима тўлай олмаган 37 та аёл эса, фоҳишаликда айбланиб, жазо муддатини ўтамоқда.
Туркманистон республикаси Ўрта Осиё давлатлари ичида энг ёпиқ зона бўлиб, жуда қаттиқ ва тоталитар режими билан ажралиб туради. Давлат президенти Гурбангули Бердимухаммедов ўз халқига зулм ўтказишда қўшни давлатлардаги хамкасбларидан ортда қолмаяпти. Ўзбекистонда аёлларнинг хижоб кийиши таъқиқланган бўлса, Қирғизистонда эса, муслима аёллар террорчилик, экстримистик фаолият олиб борганликда айбланиб қамоққа тиқилмоқда.
Зино йўлига юрмасдан, Аллоҳнинг шариати рухсат берган йўл билан оила қураётган покиза аёлларни фоҳишаликда айблаётган Туркманистон республикасининг бузуқ сиёсати ҳаммасидан ошиб тушди. Туркман аёлларига миллий либос кийиш мажбурий бўлиб, шариат белгилаб берган кийим - хижоб кийиш эса таъқиқланади. Турли хил таносил касалликлари, никоҳсиз туғилаётган болалар, оилавий жанжаллар ва бундан бошқа кўплаб муаммоларни келтириб чиқараётган ҳақиқий жиноятчи фоҳишалар қолиб, Аллоҳнинг қонунига кўра, пок йўл билан турмуш қураётган мўъмина аёлларнинг жазога тортилаётгани жуда ҳам ачинарли ҳолдир.
“Албатта то бир қавм ўз холатларини ўзгартирмагунларигача, Аллоҳ уни ўзгартирмас”.
Мустамлакачи кофирлар ўз бузуқ тузумларини сақлаб қолиш учун бор куч -имкониятларини сарф қилаётган бир пайтда, биз мусулмонлар нима учун Аллоҳнинг динини олий қилишга харакат қилмаймиз?

Видео Туркманистонча фоҳишалик канала Central Asia Media