Қазақстанда көп пәтерлі тұрғын үйлерді басқарудың жаңа жүйесіне көшу мерзімі ұзартылды

Елімізде көп пәтерлі тұрғын үйлерді басқарудың жаңа жүйесіне көшу мерзімі ұзартылды. Яғни пәтер иелерінің кооперативінен мүлік иелерінің бірлестігіне өту келесі жылдың бірінші шілдесіне дейін шегерілді. Бүгін Парламент көп қабатты тұрғын үйлерді басқарудағы өзгерістерді бір жылға ұзарту туралы заң қабылдады.
Елімізде көп пәтерлі тұрғын үй басқаруда жаңа жүйеге көшудің қолға алынғанына бір жарым жыл уақыт өтсе де кооперативтен бірлестікке ауысуға тұрғындар тарапынан да, кооператив басшыларынан да аса белсенділік бола қоймаған сияқты. Өйткені пәтер иелері кооперативіндегілер тұрғын үйлердің коммуналдық мәселелерін шешу міндеті меншік иелерінің бірлестігіне ауысқаны тиімсіз дейді. Айтуларынша, кооперативтер бірнеше көпқабатты баспаналармен келісім шартқа отырғандықтан, олардан жиналған ортақ ақшамен әр үйдің кем-кетігін рет-ретімен түзеп отыра алады. Яғни бір үйден жиналған қаражатты келесі үйдің мәселесіне жұмсай аламыз дейді. Ал бірлестік тек бір ғана көп қабатты үйге қарайды. Сондықтан ондағы пәтерлерден жиналатын ақшаны, бүтін бір баспанаға жеткізу қиын, - дейді.
ІЛІМЖАУҺАР САРТОВА, "Сенім" ПИК-нің төрайымы:
– Олар уже түсіне бастады да. КСК-дан бөлініп, жеке кеткеннен кейін расход көп болатынын. Бір үйді күтіп ұстау үшін кеңес төрағасы сайлау керек, адамдарды жеке жалдайды. Ал КСК-да қаншама үй болса, соған штатындағы сантехнигі, дворнигіне жалпы төлегенде білінбейді.
Ал Елена Шацская мына тоғыз қабатты үйдің тұрғыны. Мұндағы елу екі пәтер иелері былтыр бір ауыздан Еленаны мүлік иелері бірлестігінің төрайымы ретінде сайлаған. Төрайымның айтуынша, бірлестік құрылғалы тұрғын үйдің бірталай мәселесі шешілген. Атап айтсақ, үйге талай жылдан бері жыр болып келген жеделсаты орнатылды. Бейнебақылау камералары қойылып, үйдің шатыры жөнделген.
ЕЛЕНА ШАЦСКАЯ, Мүлік иелері бірлестігінің төрайымы:
– Біздің үйіміздің мәселесімен кооператив иелері айналысқанда түк бітірмейтін. Қазір біз тұрғындар өз проблемамызды өзіміз қолға алып отырмыз. Бірлестікті құрғалы талай мәселеміз шешілді. Бастысы, әр тиынымыздың қайда кеткенін өзіміз бақылап отырамыз.
Биылғы жылдың шілдесінен бастап еліміздегі барлық пәтер иелері кооперативі өз жұмысын тоқтатуы керек болған еді. Сөйтіп, көп қабатты үйлердің жылжымайтын мүлік иелері бірлестігіне немесе серіктестіктерге көшуіне тура бір ай уақыт қалғанда бүгін парламент оның мерзімін тағы бір жылға созу туралы заң қабылдады. Сөйтіп Мәжіліс депутаттары Сенаттың түзетулер енгізіп, қайта жіберген заң жобасына бір ауыздан келісті. Алайда мәжіліс төрағасы Ерлан Қошанов Үкіметке ескерту жасады.
ЕРЛАН ҚОШАНОВ, ҚР Парламент мәжілісінің төрағасы:
– Негізі осы мәселе бойынша мен Үкіметке ескерту не құлаққағыс айтқым келеді. Мәжілісте қаралмаған кейбір нормаларды Сенатқа апарып, бізге қайтып алып келудің қажеті жоқ.
– Дұрыс па?
– Бұл мәселелер қаралмаған. Біз білеміз мұның сіздер тарапынан шыққанын. ОСИ мәселесі.
Пәтер иелері кооперативінен меншік иелерінің бірлестігіне көшуді келесі жылға қалдыруды осыдан тура бір апта бұрын Сенат депутаттары ұсынған болатын. Жалпы заң жобасына 6 түзету енгізіп, Мәжіліске жіберген еді.
Жанар Қожанова, Диана Сапарқызы, Абай Нұржанұлы
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#KSK #КСК #кооператив

Видео Қазақстанда көп пәтерлі тұрғын үйлерді басқарудың жаңа жүйесіне көшу мерзімі ұзартылды канала Информбюро 31