Шарықтаған баға қалтадан «теуіп жатыр»: сіздің өңірде шөп бағасы қанша?

Азық-түлік бағасын тұрақтандырдық деген шенеуніктер қымбаттаған шөп мәселесін қайтіп шешпек? Елімізде төрт түліктің қыстық азығы күн сайын шарықтап барады. Сондықтан, шаруалар жаппай малдарын сатып жатыр. Бұдан басқа амал жоқ, өйткені қорадағы малды асырау тым қымбатқа түсетін түрі бар. Мәселен, қазір 1 рулон шөптің бағасы 10 мың теңгеден басталып, 18 мың теңгеге дейін сатылып жатыр. Ал, 1 тонна шөптің құны 25 мың теңгеден саудалануда. Мал азығын сататындар қысқа таяу баға тағы да өсетінін айтады. Өңірлердегі ахуалды әріптестерім баяндайды.
МАХАББАТ НҰРЖАНҚЫЗЫ, тілші:
– Маңғыстау облысының шаруалары бұрын көрмеген қиындықты биыл көрді. Өйткені қазір бір орам шөптің ең арзаны 11 500 теңге. Ал мұндай бағадағы мал азығын таппағандар 15 мың, тіпті 18 мың теңгеге салмағы 300 келі болатын шөпті сатып алуға мәжбүр. Дәл осындай шөп өткен жылы өңірде 4000-5000 теңгеден сатылған.
БАҚТЫЛЫ ӘДІЛОВА, шаруа:
– Биыл кішкене қиын жыл болды. Жерде жұт болып жатыр. Малдарымыз өспей жатыр. Көптеген малдарымыз, қойларымыз төл бермей қалды арық болғандықтан. Шөп өте көп қатты қымбатсынып кетті.
Қазірдің өзінде шөптің жағдайы мәз емес деген шаруалар қысқы азықты дайындауға өздері кірісіп кетіпті. Кейбір шаруалар көрші облыстардан шөпті өздері әкеліп жатыр. Ал 20 келі кебектің құны 2300 теңге. Бірақ оның өзін шаруалар кейде таппай қаламыз дейді.
ДИАНА САПАРҚЫЗЫ, тілші:
– Қазірдің өзінде шөптің бағасы екі есеге қымбаттаған өңірлердің бірі - Қарағанды облысы. Шөп сатушылар бағаға жанар- жағармай құнының өсуі тікелей әсер етті дейді. Тіпті әкімдіктегілердің өздері мал азығының бағасы былтырмен салыстырғанда 10-15 пайызға көтерілгенін мойындап отыр. Яғни, шөптің орташа бағасы 21 500 теңгеге шығады. Бірақ іс жүзінде шөптің бір тоннасы ғана 30 мың теңгеден асып жығылады. Мұны сатушылар растайды.
МИРАС СӘУЛЕХАН, шөп сатушы:
– Былтыр шөптің тоннасы 15 мың болса, бүгінгі күнде бір тонна шөп 30 мың теңгеге дейін көтерілді. Житняк, жоңышқа деген шөптің түрлері 50 мыңнан 70 мыңға дейінгі аралықта сатылады қазір.
Айта кетсек, облыс әкімі бағаны ұстап қалуға уәде берген еді. Қыс түспей жатып мал азығының бұлай қымбаттағанына қарағанда, бұл уәде сөз жүзінде ғана орындалатын сыңайлы.
ЖАНАР ҚОЖАНОВА, тілші:
– Ақтөбе облысында да шөп биыл 20 пайызға дейін көтерілген. Шаруалар бұл науқан сайын қайталанатын жағдай деп отыр. Мәселен былтыр шөптің бір тоннасы 25 мың теңгеге дейін болса, биыл 27 мың теңгеден сатылып жатыр. Ал бір тонна кебектің бағасы 80-90 мың теңгеге бір-ақ өскен. Әкімдіктегілір бұл шарықтаған бағаны бақылап, тұрақтандыра да алмаймыз деп отыр. Өйткен, жем-шөппен айналысатын әр шаруа өз қалаған бағасын қойып, саудалай береді екен. Ал қымбатшылыққа түрлі себеп бар.
ПАНАБЕК БИМҰРАТОВ, Ақтөбе облыстық ауылшаруашылық басқармасының бөлім басшысы:
– Ол техниканың қосалқы бөлшектерінің қымбаттауы. Жанар жағар майдың қымбаттауы. Шөпті буатын жіптердің де бағасы шет елден келеді.
Жауаптылар жем-шөп бағасының қымбаттануына биылғы қуаңшылық та себеп болды деп отыр.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#қуаңшылық #жем_шөп #қымбат #мал_азығы

Видео Шарықтаған баға қалтадан «теуіп жатыр»: сіздің өңірде шөп бағасы қанша? канала Информбюро 31