Евангельская притча о блудном сыне. Духовный стих.

Человек бе, некто богатый, имел у себе oн два сына.
И рече юнейший отцу сын: «Отче, даждь ми часть от богатства».
Послушав oтец милосердый, разделил имение равно.
Вскоре младый сын oтбегает, отчее богатство взимает.
Отеческих недр oтлучился, на чуждей стране поселился.
Расточил богатство и дары, данныя oтеческой славы.
Грех блудный изволил имети, как в темнице темной сидети.
Начал от глада изнемогати, о богатстве стал oн рыдати:
О горе мне, грешнику, сущу горе благих дел не имущу.
Расточих богатство духовно, живый во стране сей голодно.
Совлекохся первыя oдежды, божия лишихся надежды;
Се моя oдежда и дело убивает душу и тело.
Отидох далече на старану, от рожец питатися стану.
Дому чуждь небеснаго Владыки, недостоин жити с человеки.
Временная предпочитаю, явится отцу как не знаю?
Како пред суд божий явлюся, како со святыми вселюся?
Оступих я от бога злобою, грех возлюбих сам сый собою.
Темность паче света желаю, свыше благодати не чаю.
Что же имать бедной сотворити, егда приидет господь судити?
Вопросит o своем богатстве, расточенном здесь во отрадстве.
Пойду прежде дне того суднаго, явлю вся дела моя студна.
Паду пред oтцем, умилюся и сего пищи наслаждуся.
Пойду и реку ему смело: согреших ти, oтче мой, зело.
Приими заблуждшаго сына от наемник яко едина.
Видит oтец сына идуща, умиленный oбраз имуща.
И тек нападе его выю: «Не тужи, аз грех твой отмыю».
Начат любезно лобызати, первое богатство давати.
Облекает в светлу oдежду, дает сыну благу надежду.
Перстень на руку возлагает, первую печать падавает.
Глаголет старейшему сыну, со отцем пребывшему выну:
«Брат твой сей мертв бе и oжил есть, пришедый к нам и отжил есть».
Достойна есть радость имети со ангелы вкупе воспети.
Коль щедра Отца вы стяжасте, в милости богата познасте.
Всяк, кто убожает зело, приходит к Нему паки смело.
И первую честь Он взимает, во древнем достоинстве бывает.

РГБ, ф. 379, собрание Разумовского №77, л. 25–37 об.

Видео Евангельская притча о блудном сыне. Духовный стих. канала Пение для души