Ўзбекистон телевидениеси илк бор Каримов сиёсатини танқид қилди

30 июль куни эфирга узатилган “Таҳлилнома” кўрсатувида марҳум президент Ислом Каримов сиёсати кескин танқид қилинди. Каримов “қўшнилар билан кимўзар мусобақа ўйнаб”, “Сен зўрми, мен зўр” қабилида хўрозлангани” қораланди. “Қўшниларга тўмтайиш” натижасида чигаллашиб кетган муаммоларни бугунги кунда Мирзиёев ҳал қилаётгани таъкидланди.

Мирзиёев туғилган кунида иш бошлаган «Ўзбекистон 24» телеканали орқали намойиш қилинган «Таҳлилнома» кўрсатувининг илк сонида марҳум президент Ислом Каримов сиёсати танқид қилиниб, у қилган хато ва камчиликлар натижасида Ўзбекистон юз тутган муаммоларни янги президент Мирзиёев ҳал қилаётгани олқишланди.

Кўрсатувда Ислом Каримов номи бирор марта тилга олинмади, бироқ у юргизган сиёсат «тошбўрон» қилинди.

“Қўшниларга хўрозланиш”

Кўрсатувда ҳар бир соҳа- иқтисоддан тортиб, маънавиятгача, ижтимоий соҳадан тортиб, қишлоқ хўжалигигача, бирма- бир таҳлил қилиниб, Каримов даврида юзага келган камчиликлар қораланди.

Видео Ўзбекистон телевидениеси илк бор Каримов сиёсатини танқид қилди канала Ozodlik Radiosi