កំណត់ត្រាប្រវត្តិភាពយន្តខ្មែរ! តារា គង់ សំអឿន និងជា យុទ្ធថន សម្តែងរួមគ្នាក្នុងភាពយន្ត២រឿង

ជាឯកសារប្រវត្តិសាស្រ្តនៃសិល្បៈភាពយន្តខ្មែរដែលក្រុមដំណើរខ្មែរបានរកឃើញនិងកត់ត្រាទុកបានដឹងថា តារា គង់ សំអឿន បានសម្តែងខ្សែភាពយន្តរួមជាមួយតារា ជា យុទ្ធថន ក្នុងខ្សែភាពយន្តពីររឿងគឺរឿង ស្រមោលអតីតកាល និងរឿង បំណុលឈាមឪពុក។
ខ្សែភាពយន្តរឿង ស្រមោលអតីតកាល បានដាក់បញ្ចាំងលើរោងភាពយន្តលុច្ស នៅឆ្នាំ១៩៦៦ របស់ផលិតកម្ម ខេមរៈភាពយន្តដោយមានលោក ហ៊ុយ ប៊ុនឈួយ ជាអ្នកដឹកនាំរឿង។
ខ្សែភាពយន្តរឿង បំណុលឈាមឪពុក បានដាក់បញ្ចាំងលើករោងភាពយន្តហេមជាតិ និងចេនឡា នៅឆ្នាំ១៩៧១ របស់ផលិតកម្មប្រាសាទកែវភាពយន្ត។
លោក វីរៈ វ៉ារ៉ានី អ្នកស្រាវជ្រាវលើវិស័យនេះ និងជាប្រធានក្រុមដំណើរខ្មែរបានរៀបរាប់ថា វត្ថមានរបស់តារាទាំងពីរដួងជួបគ្នាក្នុងភាពយន្តតែមួយ ជារឿងដ៏កម្រ និងអស្ចារ្យណាស់ ហើយក្នុងខ្សែភាពយន្តទាំងពីរនេះ កំពូលតារាទាំងពីរដួងសម្តែងជាតួឯកដូចគ្នា មានន័យថា ខ្សែភាពយន្តមួយមានតួឯកពីរ ដែលផលិតករព្យាយាមធ្វើអោយអ្នកទាំងពីរមានភាពលេចធ្លោដូចគ្នា។

Видео កំណត់ត្រាប្រវត្តិភាពយន្តខ្មែរ! តារា គង់ សំអឿន និងជា យុទ្ធថន សម្តែងរួមគ្នាក្នុងភាពយន្ត២រឿង канала ដំណើរខ្មែរ