միայնակ տարեց կանանց սպառնում է փողոցում հայտնվելու վտանգը

Գյումրի, 50-ամյա աշխատանքային կենսագրություն ունեցող երեք, միայնակ տարեց կանանց սպառնում է փողոցում հայտնվելու վտանգը

Գյումրու կենտրոնում գտնվող, Գարեգին Նժդեհի թիվ 7 հասցեի՝ Տեքստիլագործների նախկին հանրակացարանում, որը տարիներ շարունակ պարբերաբար ինքնափլուզման է ենթարկվում, դեռևս բնակվում են 3 միայնակ տարեց կանայք: Նրանք վաղուց ներքաշված են դատական քաշքշուկների մեջ: Իշխանությունների պնդմամբ, առնվազ 50 տարվա աշխատանքային ստաժ ունեցող, ես կասեի պայքարող կանանց, առաջարկել են վերաբնակեցման մի քանի տարբերակներ, սակայն նրանց սրտով չի եղել և մերժել են: Այդ կիսաքանդ շինության սեփականատերն էլ միայնակ տարեցներին վտարելու պահանջով դատն է շահել և շուտով նրանք կարող են հայտնվել փողոցում: Այս պատմության մասին գիտեն Հայաստանի իշխանության բոլոր մարմինները, սակայն միայնակ տարեցներին վերաբնակեցնել ոչ մեկին դեռևս չի հաջողվել: Անկեղծ ասած, խեղճ ու անզորի դերի մեջ մտած որոշ պաշտոնյաներին չեմ կարողանանում հասկանալ… խնդրի լուծումը ընդամենը 8-ից 9 մլն դրամով հնարավոր է, գնում եք 3 հատ մեկ սենյականոց բնակարան, տրամադրում եք, որպես սոցիալական, այսինքն ոչ սեփականության իրավունքով, մարդկանց վերաբնակեցնում եք, սեփականատիրոջն էլ ստիպում եք, որ ամեն պահի ինքնափլուզվելու վտանգի առաջ կանգնած շենքը արագ քանդի, տարածքը մաքրի և վերջ…մնացածը դերասանություն է: Իրոք այդքան անզոր ե՞ք …

Видео միայնակ տարեց կանանց սպառնում է փողոցում հայտնվելու վտանգը канала "Shirak Centre" NGO