Իչայի, Տապասիայի, Չակորի դերակատարներն ու հնդիկ մի շարք աստղեր Երևանում են/ @Argamblog

Երկրպագուներն օդանավակայանում անհամբեր սպասում էին հնդիկ դերասանների Երևան ժամանելուն՝ քննարկելով, թե ով ինչպես է լուսանկարվելու և ինչ գիտի սիրելի աստղի մասին:

Argamblog-ը ևս օդանավակայանում է եղել: Ներկայացնում ենք բացառիկ տեսանյութ օդանավականից.
«Մերժվածը» հեռուստասերիալում Իչայի դերակատար Թինա Դատտան առաջին անգամ է Հայաստանում։ Պատասխանելով հարցին, թե ի՞նչ գիտի Հայաստանի ու հայերի մասին, նա ասաց. «Կարծում եմ, որ իմ երկրպագուներն այստեղ շատ են և նկատեցի, որ նրանք եկել են իմ լուսանկարով շապիկներ հագած: Ես իսկապես անչափ ուրախ եմ այստեղ տեսնել իմ հայ լսարանի երկրպագուներին: Գիտեմ, որ հայերը շատ բարի են, դա էլ է այն պատճառներից մեկը, որ ես այսօր Հայաստանում եմ»:
Տապասիայի դերակատար Ռաշամի Դեսային ևս առաջին անգամ էՀայաստանում։ Նրա խոսքով՝ շատ բան է ուզում հասցնել անել:
Շատ եմ լսել Հայաստանի մասին և գիտեմ, որ շատ հյուրընկալ ժողովուրդ եք: Քիչ առաջ եմ իջել, դեռ չգիտեմ հայերեն բառեր, բայց կասեմ «Բարև»»,- չնայած հոգնածությանը՝ ժպտալով ասաց դերասանուհին:
Վերջինս Հայաստանի մասին առաջին անգամ լսել է Հնդկաստանում, երբ Վարդան Սարգսյանն իրենց մասին հաղորդում էր պատրաստում. «Վերջապես Հայաստանում եմ: Հույս ունեմ, որ բոլորդ ներկա կլինեք վաղը կայանալիք համերգին և բոլորով անմոռանալի ժամանակ կանցկացնենք»։

Հարցին՝ նախկինում կպատկերացնե՞ր, որ հայտնի կլինի Հայաստանում, նա պատասխանեց. «Ես երբեք չէի պատկերացնի, որ Հայաստանում այսքան շատ երկրպագու ունեմ, իհարկե, Հայաստան գալն ինձ համար երազանք էր: Շնորհակալ եմ որ բոլորդ այստեղ եք, շնորհակալ եմ նաև նվերների համար»: Երկրպագուները դերասաններին ուղեկցեցին մինչև ավտոմեքենա:

Հայաստան են ժամանել նաև Սպանդան Չատուրվեդիին (Չակոր), Գաուրավ Չոպրային, Վիջաենդրա Կումերիային, Մրունալ Ջայինին: Նրանք հայ հանդիսատեսի համար ելույթ կունենան վաղը՝ հուլիսի 4-ին:

Չմոռանաք լայքել վիդեոն, եթե այն Ձեզ դուր եկավ, ինչպես նաև բաժանորդագրվել մեր էջերին՝
YOUTUBE-ում՝ http://www.youtube.com/Argamblogcom
FACEBOOK-ում՝ https://www.facebook.com/argblog
INSTAGRAM-ում՝ http://instagram.com/argamblog
TWITTER-ում՝ https://twitter.com/Argamblog

Видео Իչայի, Տապասիայի, Չակորի դերակատարներն ու հնդիկ մի շարք աստղեր Երևանում են/ @Argamblog канала Argamblog