Зироат ва Саида Мирзиёевалар Сардобага ташриф буюрди

Президент Шавкат Мирзиёевнинг оила аъзолари, рафиқаси Зироат Мирзиёева ва қизи Саида Мирзиёева Сирдарё вилоятига ташриф буюрди. Улар Сардоба сув тошқинида жабр кўрганлар билан учрашиб, уларнинг кайфияти ва аҳволи билан танишдилар. Зироат Мирзиёева сирдарёликлар билан суҳбат чоғида Президент туну-кун уларни ўйлаб ухламаётганликлари ва уларни келажакка ишонтириш учун қайғураётганликларини айтган. Эслатиб ўтамиз, шу йилнинг 1 май куни Сирдарё вилоятида қурилган Сардоба сув омборининг тўғони ўпирилиши натижасида Сардоба, Мирзаобод ва Оқолтин туманлари талофат кўрган эди. Сув тошқини жами 10 та маҳалла, 23 та аҳоли пунктлари ҳудудидаги 4711 та турар ва 277 та нотурар жой объектлари, 30718 гектар экин майдонларига зарар етказган.
Мазкур офат натижасида жабр чекканлар билан Президент Шавкат Мирзиёев ҳам шахсан учрашиб, зарар кўрган жойларни кўздан кечирган. Сув тошқини жабрдийдаларига Шавкат Мирзиёев 40 миллион сўмлик моддий ёрдам сертификатлари ва пул маблағ юкланган банк карточкаларини тарқатди. Шунингдек, офатдан зарар кўрган оилаларга телевизор, музлатгич, кир ювиш машинаси, минипеч, электр чойнак ва дазмол каби маиший техникалардан иборат совғалар топширилди. Ҳозирда сув тошқини натижасида турар-жойига зарар етган оилалар учун янги уй-жойлар қурилиши бошланган. Шу ўринда айтиш жоиз, ўзбекистонлик миллионер Алишер Усмонов ҳам сув тошқини талофатларини бартараф қилиш учун 10млн. доллар миқдорида пул маблағи хайрия қилган.
______________________
Prezident Shavkat Mirziyoyevning oila a'zolari, rafiqasi Ziroat Mirziyoyeva va qizi Saida Mirziyoyeva Sirdaryo viloyatiga tashrif buyurdi. Ular Sardoba suv toshqinida jabr ko'rganlar bilan uchrashib, ularning kayfiyati va ahvoli bilan tanishdilar. Ziroat Mirziyoeva sirdaryoliklar bilan suhbat chog'ida Prezident tunu-kun ularni o'ylab uxlamayotganliklari va ularni kelajakka ishontirish uchun qayg'urayotganliklarini aytgan. Eslatib o'tamiz, shu yilning 1 may kuni Sirdaryo viloyatida qurilgan Sardoba suv omborining to'g'oni o'pirilishi natijasida Sardoba, Mirzaobod va Oqoltin tumanlari talofat ko'rgan edi. Suv toshqini jami 10 ta mahalla, 23 ta aholi punktlari hududidagi 4711 ta turar va 277 ta noturar joy ob'ektlari, 30718 gektar ekin maydonlariga zarar yetkazgan.
Mazkur ofat natijasida jabr chekkanlar bilan Prezident Shavkat Mirziyoyev ham shaxsan uchrashib, zarar ko'rgan joylarni ko'zdan kechirgan. Suv toshqini jabrdiydalariga Shavkat Mirziyoev 40 million so'mlik moddiy yordam sertifikatlari va pul mablag' yuklangan bank kartochkalarini tarqatdi. Shuningdek, ofatdan zarar ko'rgan oilalarga televizor, muzlatgich, kir yuvish mashinasi, minipech, elektr choynak va dazmol kabi maishiy texnikalardan iborat sovg'alar topshirildi. Hozirda suv toshqini natijasida turar-joyiga zarar etgan oilalar uchun yangi uy-joylar qurilishi boshlangan. Shu o'rinda aytish joiz, o'zbekistonlik millioner Alisher Usmonov ham suv toshqini talofatlarini bartaraf qilish uchun 10mln. dollar miqdorida pul mablag'i xayriya qilgan.

Расмий сайт http://kunutun.uz
Инстаграм: https://www.instagram.com/kunutun.uz/
Фейсбук: https://www.facebook.com/kunutun.uz
Телеграм: https://t.me/meningkunim

Видео Зироат ва Саида Мирзиёевалар Сардобага ташриф буюрди канала Kunutun TV