Мобильді аударымдарды тексеру қалай жұмыс істейді?

Мобильді аударымдар қазақстандықтардың күнделікті өмірін айтарлықтай жеңілдетті. Алайда, бұл жаңашылдықты пайдаланған кәсіпкерлер бизнестерін тіркемей, салық төлеуден жалтарған.

Жағдайды түзету үшін «Төлемдер мен аударымдар туралы» заң қажетті түсініктемелермен толықтырылды.
Енді жасырынып жүрген бизнесмендер онлайн ақша аударымдарының саны бойынша анықталатын болады.
2025 жылдың 1 қаңтарынан бастап банктер 1 ай ішінде 100 және одан да көп адамнан келіп түскен аударымдар туралы ақпаратты 3 ай ішінде салық органына жібереді.

Егер табысыңызды жасырып жүргеніңіз анықталса, жасырын салық салу объектісі бойынша салық сомасының 200% мөлшерінде айыппұл төлейсіз. Жағдай қайталанатын болса сома 300 %-ға дейін өседі.

Қазақстан Республикасының Қаржы министрі Ерұлан Жамаубаевтың айуынша жеке тұлғалар мобильді аударымдарды қорықпай, бұрынғыша қолдана берсе болады. Себебі, отбасы мүшелері, әріптестер мен достар арасындағы кәсіпкерлік қызметке қатысы жоқ аударымдарға салық салынбайды.

Сондай-ақ қолма-қол ақшасыз төлемдерді қабылдаудан бас тарту - заңсыз болып табылады. және оған әкімшілік жауапкершіліктер де қарастырылған. бірінші рет жай ғана ескерту, ал екіншісінде 40 АЕК, яғни 147 680 теңге көлемінде айыппұл салынады.

Егер сізден қолма-қол ақшасыз төлемдерді қабылдаудан бас тартқан жағдайда тұрғылықты жеріңіз бойынша мемлекеттік кіріс органдарына хабарласуыңыз қажет.
_____________________________________
El.kz Ақпараттық-танымдық портал

Ресми сайттың сілтемесі: https://el.kz/

Біздің әлеуметтік желілердегі парақшаларымыз:
Instagram - https://www.instagram.com/el.kz/
Facebook - https://www.facebook.com/wwwelkz/
Telegram - https://web.telegram.org/k/#@elkz_portal

#elkz #қазақстанжаңалықтары #новостиказахстана #Мобильдіаударымдар #төлемдер #банк #ақша

Видео Мобильді аударымдарды тексеру қалай жұмыс істейді? канала El kz