Ошкорcозии робитаи ВКД ва КДАМ бо "Фабрикаи ҷавоб" дар ш.Душанбе

#Тоҷикистон @Muhiddin Kabiri #Таджикистан #ПМТ #ҲНИТ #ВКД #КДАМ #ш.Душанбе
Интихобот-2015
Раисиҷумҳур Эмомалӣ Раҳмон хостори таъмини шароит барои баргузории як интихоботи дар воқеъ озод дар кишвараш шуд. Оқои Раҳмон ҳатто аз таҷрибаи ширкаташ дар интихоботи соли 1990, ки ҳанӯз Шӯравӣ побарҷо буд, ёд овард ва гуфт, агар дар он аём интихоботи озод намешуд, магар ӯ, он вақт як раиси колхоз, метавонист рақибони пурнуфузе чун додситони ноҳияи Данғараро мағлуб кунаду ба порлумон роҳ биёбад?
Усмон Солеҳ, сухангӯи ҳизби ҳокими халқии демократии Тоҷикистон мегӯяд, ин як ваъдаи хушку холӣ нест: “Фикр мекунам, ин интихобот назар ба интихоботҳои гузашта шаффофтар, демократитар ва озод баргузор мешавад, чунки баргузории интихоботи шаффофу демократиро сарвари давлат Эмомалӣ Раҳмон кафолат додааст. Ӯ дар чандин ҷаласа ҳамчун президент таъкид карданд, ки аз захираҳои маъмурӣ истифода карда нашавад.”
ҲНИТ .
Муҳаммадкарими Шодӣ, муовини раиси ҲНИТ ва ҳамоҳангсози ситоди интихоботии ин ҳизб мегӯяд: “Дар интихоботи соли 2010 ҳам раисиҷумҳур ваъдаи интихоботи шаффоф дода буд ва точанд рӯзи қабл аз интихобот як фазои озод эҳсос мешуд. Тафовути интихоботи имсола ин аст, ки аз ҳоло мониасозиҳо шурӯъ шудааст. Тамоми номзадҳои мо дар тамоми минтақаҳо бидуни истисно ба мониаҳои ҷиддие рӯбарӯ шуданд.”

Нозирони байналмилалӣ.
Гарчанде интихоботи парлумонии Тоҷикистон баъзе алтернативаҳои сиёсиро
пешниҳод намуд, фазои ташвиқотӣ маҳдуд ва барои ҳисоби одилонаи овозҳо
кафолат набуд, мегӯянд нозирони байналмилалӣ
Душанбе, 2 марти соли 2015 – Мувофиқи изҳороти пешакии нозирони байналмилалӣ, ки
имрӯз пешниҳод шуд, баъзе номзадҳо алтернативаҳои сиёсиро таъмин намуданд, аммо
интихоботи парлумонии 1 март дар Тоҷикистон ҳанӯз ҳам дар фазои маҳдуди сиёсӣ
гузашт ва натавонист барои номзадҳо шароити баробарро таъмин намояд. Гарчанде
давлат дар назди худ мақсади гузаронидани интихоботи демократиро пеш гузошта, ба
Қонун дар бораи интихобот баъзе тағйирот ворид карда бошад ҳам, маҳдудияти ҳуқуқ
барои пешбарӣ намудани номзадӣ, озодии сухан, ҳуқуқи муттаҳидшавӣ ва дастрасӣ ба
воситаҳои ахбори омма имконияти интихоби озодона ва огоҳро ҳад гузошт.
«Иштироки қувваҳои сиёсии гуногун дар ин маърака, мутаассифона, барои расидан ба
натиҷаи интихоботи ҳақиқатан рақобатпазир, кофӣ набуд. Муносибати нобаробар аз
ҷониби мақомоти ҳокимияти давлатӣ ва дигар маҳдудиятҳои ҳуқуқӣ фазои баҳсу
мунозираро оид ба проблемаҳои воқеии Тоҷикистон маҳдуд намуд”, гуфт Мариета
Тидеи, ҳамоҳангсози махсус ва роҳбари Миссияи нозирони кӯтоҳмуддати САҲА.
“Аксарияти интихобкунандагоне, ки ман дирӯз бо онҳо сӯҳбат доштам, сазовори
муҳокимаи ҳақиқӣ оиди ояндаи кишвари худ ҳастанд”.
"Ман бо хушҳолӣ назорат кардам, ки овоздиҳӣ ором ва сулҳомез гузашт, аммо
камбудиҳои назаррас, аз ҷумла овоздиҳии чандкарата, қаткунии якчанд бюллетен ва риоя
накардани тартиботи ҳисобкунии овозҳо кафолати ҳисоби дурусти овозҳоро дода
наметавонад”, гуфт Норберт Неусер, роҳбари ҳайати Ассамблеяи Парлумонӣ. «Ман
даъват менамоям, ки мақомоти ҳокимияти давлати тағйироти заруриро ба раванди
овоздиҳии шаффоф ва боэътимод ҷорӣ намоянд."
Фарогирии нобаробарӣ аз ҷониби васоити ахбори оммаи давлатӣ, гузоришҳои манфӣ
нисбати Ҳизби Наҳзати Исломи Тоҷикистон ва набудани баҳсҳои пурмазмуни сиёсӣ ба
қадри назаррас имконияти овоздиҳандагонро барои интихоби воқифона маҳдуд сохт.
Васоити ахбори оммаи давлатӣ, ягона васоити ахборест, ки тамоми кишварро фарогир
буда, аз ташвиқоти муҳорибон гузоришҳо надода, диққати зиёдро ба мақомотҳои давлатӣ
ҷудо намуд.
Мувофиқи гузориши нозирон, ҷараёни ба қайд гирифтани овоздиҳандагон фарогир буда,
овоздиҳандагон имкон доштанд, ки қайди худро санҷанд, аммо ҷой надоштани усулҳои
ҷилавгирикунанда барои пешгирии овоздиҳии чандкарата эътимоднокии раванди
интихоботро ба таври васеъ коста мегардонад.
Номзадони ҳамаи ҳашт ҳизб ба қайд гирифта шуданд, вале танҳо ду ҳизб миқдори кофии
номзадҳоро ба қайд гирифт, ки эҳтимолан метавонанд мавқеи бештарро дар парлумон ба
даст оранд. Баъзе аз талаботҳои пешбаришавии номзадҳо мухолифи ӯҳдадориҳо ва
меъёрҳои байналмилалӣ мебошанд, аз он ҷумла, талаботҳои марбут ба маълумот, ҷои
истиқомат, забондонӣ, иттиҳом ба ҷиноят ва тафтишот. Чун иқдоми нек, гарави
интихоботӣ дар интихоботи мазкур ду маротиба кам карда шуд, вале баъзе аз ҳизбҳо
изҳори назар намуданд, ки он то ҳол барои номзадӣ монеа эҷод менамояд. Барои
дастгирии занҳои номзад тадбиру ҷораҳои махсус мавҷуд набуд, миқдори ками занҳо дар
рӯйхатҳои ҳизбҳо дар мавқеи дастёбшаванда қарор дода шуданд.
“Интихоботи демократии воқеӣ наметавонад бидуни баҳсҳои аслӣ дар ВАО, маъмурияти
мустақили интихобот ва муҳити озод аз репресия баргузор шавад. Мутаасифона,
гуфтаҳои боло ҷой надоштанд,” гуфт Миклош Ҳарасти, Раиси Миссияи дарозмуддати
САҲА/ДИДҲБ оиди назорати интихоботӣ. “Хоҳиши самимии сулҳ аз тарафи ҳамаи
тарафҳо ба ман умед мебахшад, ки раванди ислоҳоти интихобот дар баррасии
камбудиҳои ҷиддии мушоҳидакарда пеш меравад.”

Видео Ошкорcозии робитаи ВКД ва КДАМ бо "Фабрикаи ҷавоб" дар ш.Душанбе канала Muhiddin Kabiri