ROŽICA - Robert Funčić

19. Festival čakavske šansone „ČAnsonfest – Kastav 2023.“, 25.08.2023. (video snimka)

*ROŽICA*
(klanjska čakavština)
Robert Funčić / Robert Funčić / Robert Funčić
Interpret: Robert Funčić

UNDI NAPRED JE EDAN BRIG,
NA VRHU MU JOŠ JE SNIG
I MAJHANA KIŠICA,
TU BIVA ONA Z DVA KUCOTA.

HODIN ZGORU MALO BLID,
DIV SAN NA SE NOV VEŠTID,
MORAN NIČ POVIDAT Š NJU,
VA ŽEPI STIŠĆEN BITVICU.

ROŽICA, MOJA VRAJŽJA ŽENSKA,
POV PRIMORSKA, POV SLOVENSKA,
A CILA KLANJICA,
MOJA SI KRALJICA!
ROŽICA, MORDA NISI TELA,
MA POV MOJIGA SI SRCA ZELA.
I KAJ ĆU JA Š NJIN
NEGO DA TI CILO SAD PUSTIN.

JA KROZ ŠUMU K TEBI GREN,
A ZA MANU GRE JELEN,
PA KOŠUTA I LISICA,
EDAN MEDVID I VIVERICA.

SI ĆEMO TI NA PRAG PRIT.
TI ZNAŠ Š NJIMI GOVORIT
I ONI TE RADI MAJU,
ALA, PRIPRAVI BILU VEŠTALJU!

ROŽICA, MOJA VRAJŽJA ŽENSKA,
POV PRIMORSKA, POV SLOVENSKA,
A CILA KLANJICA,
MOJA SI KRALJICA!
ROŽICA, MORDA NISI TELA,
MA POV MOJIGA SI SRCA ZELA.
I KAJ ĆU JA Š NJIN
NEGO DA TI CILO SAD PUSTIN.

DA TI CILO SRCE SAD PUSTIN.

--
© Udruga "Kanat" Kastav i "Grafik studio" Rijeka, 2023.

Видео ROŽICA - Robert Funčić канала ČAnsonfest Kastav