Алматылық шеберлер қайырымдылық жасады

Үйіңізді оюмен әрлеп, өрнекпен зерлейді. Алматыда қазақы нақышта жөндеу жасайтын шеберлер тұрады.

Жандарбек Қалданов – қазақтың қарапайым азаматы. Қолдан келсе, жомарттық жасауға жаны құмар. Ал қайырымдылықты тек қаржылай жасау міндетті емес. Осыны ескеріп, өз ауданында тұратын мүгедектің үйіне тегін жөндеу жасап беруді ұйғарыпты. Мұнысын он саусағынан өнер тамған әріптестері де құп көріпті.

Жандарбек Қалданов, дизайнер

-Жинаған ою-өрнектеріміз бар. Үй йесіне қандай ою-өрнек ұнайды, соны ұсынамыз. Қайсысын қаласа, шын жүрегімізбен істеп береміз.

Компьютерден тиісті өрнек түрі таңдалды. Оған қажетті материал да түгел жеткізілді. Ендігі міндет – нақты өлшемді жасап, бөлме төбесіне бекіту.

Жандарбек Қалданов, дизайнер

-Тәуелсіздігіміздің 25 жылдығына өзіміздің үлесімізді қосайық деп, Қуатқали ағаның бір бөлмесін ою-өрнекпен сәндеген жайымыз бар. Бұл кісінің мүмкіндігі шектеулі. Қолымыздан келгенше жәрдем беріп жатырмыз.

Жандарбек ұлттық дизайндағы жөндеумен соңғы 5-6 жылда тұрақты айналысып келеді. Бұл іс те оған аса ауырлық тудырмады. Үш тәулік дегенде негізгі жұмысты аяқтады. Ортаңғы орнамент сары, ал шеткі бөліктері жасыл түспен сырланды. Үй иесі өзін көрсетпеуімізді өтінді.

Авторлары: Ердәулет Байдуллаев, Валентин Лобанов

Видео Алматылық шеберлер қайырымдылық жасады канала Хабар TANYM