2-Р ХЭСЭГ: Реалполитик судлаач, санхүүч-эдийн засагч Д.Болорын шинэ номын нээлтээс

Реалполитик (улстөрийн бодит бодлого, үйл ажиллагааг) судлаач, эдийн засагч Д. Болорын "20-р зууны түүхийн гол оньсогууд" шинэ цуврал номын нээлтийн арга хэмжээ "Аз хур" номын их дэлгүүрт 2017-03-11-нд болж, манай ахмад үе болон залуусын төлөөлөл, УИХ-ын гишүүн асан Г. Уянга, Зам тээврийн сайд асан хуульч А.Гансүх, ОХУ-ын дипломатч, монгол судлаач Ю.Кручкин, МОНЦАМЭ агентлагийн дарга асан сэтгүүлч А.Баатархуяг, орлогч дарга асан Б.Наминчимэд, МБОИЗ-ийн гишүүн, Уран цөмийн эсрэг "Голомт" хөдөлгөөний ахмад гишүүн, УБЦТС-ийн ахмад инженер Т.Минжүүр, "Гал үндэстэн" холбооны удирдах зөвлөлийн гишүүн ахмад тэмцэгч Ц.Энхбаяр, "Босоо Хөх Монгол" ТББ-ын удирдах зөвлөлийн гишүүн Ц.Буяндүүрэн, Оффшортой тэмцэх хөдөлгөөний удирдах зөвлөлийн гишүүн, хуульч Т.Нарангэрэл, сэтгүүлч Л.Мөнхбаясгалан зэрэг олноо танигдсан хүмүүс ирж оролцлоо.

Д. Болор нь Монголын залуус хойч, ард түмэндээ үнэн бодит мэдлэг мэдээлэл өгөх үйлсэд олон жилийн турш сэтгэл зүтгэлээ зориулан, нийгэм олноо ухаарч сэхээрэхэд чухал нөлөө үзүүлсэн 10 гаруй ном орчуулж, 300 гаруй нийтлэл бичин bolor.info сайтдаа нийтэлсэн байдаг.

Тэрээр "Hacking democracy" (Ардчиллыг хакердах нь), "Inside job" (Өөрсдөө дотроосоо хийсэн ажил), "Endgame”(Төгсгөлийн нүүдэл) зэрэг баримтат киног монгол хэл рүү хөрвүүлэн, мөн телевиз сонингуудад удаа дараа ярилцлага өгч, “Эрин цагийн дуудлага” цуврал нэвтрүүлгийг хамтран санаачилсан нь Монголын ард түмэн, үзэгч уншигчдынхаа нүдийг нээж улс Эх орныхоо өнөөгийн хөөрхийлөлтэй аж байдлын цаад уг шалтгаануудыг олж харж ойлгож ухаарахад үнэлж баршгүй их үүрэг гүйцэтгэсэн юм.

Д.Болор (Х.Болорболд) нь дэлхий дахины болон өөрийн улс орны улс төрийн бодлого, нийгэм, эдийн засгийн өнөөгийн бодит байдлын уг шалтгаанууд, түүхэн үнэнийг эрж хайсан өргөн судалгааг сүүлийн 20-иод жил хийж, дэлхийн нэрт хараат бус эрдэмтэн судлаачид, улс нийгмийн зүтгэлтнүүдийн 700 гаруй ном судалгааны бүтээл, түүхэн дурдатгалуудыг уншин тэдний хөтөлдөг сайт блогууд дахь үйл явдлын мэдээнүүд, аналитик нийтлэлүүдийг тогтмол судалдаг төдийгүй 1600 орчим баримтат киног үзэж цуглуулан тэр бүхнээсээ өөрийн вэбсайтдаа дээжлэн танилцуулсан байдаг.

Түүний уйгагүй хөдөлмөр чармайлтын үрээр сэрж сэхээрсэн залуус, “Болоринфо” вэбсайтыг тогтмол уншигч, дэмжигчдийн зүгээс санаачлан жирийн ард түмнийхээ ахуй амьдрал хүнд, ирээдүй бүдгэрэн байгаа энэ цаг дор бодит орлогогүй оюутан залуусынхаа мэдлэг мэдээлэлд зориулж “Болоринфо” явуулын номын санг нээн юуны өмнө судлаач Д.Болорын орчуулсан зарим номуудыг төлбөргүйгээр гэрээр олгон уншуулж байна.

Бидэнтэй холбогдох хаяг:
Цахим шуудан: admin@bolor.info
Мэдээлэл, номын борлуулалт хариуцсан утас: 80088803, 98279574
Фэйсбүүк хуудас: Bolor.info сайтыг уншигч, дэмжигчид
Youtube суваг: БОЛОРИНФО суваг
Болоринфо номын сангийн фэйсбүүк груп: БОЛОРИНФО номын сан
Вебсайт: http://www.bolor.info , http://www.old.bolor.info

Видео 2-Р ХЭСЭГ: Реалполитик судлаач, санхүүч-эдийн засагч Д.Болорын шинэ номын нээлтээс канала Солонго Чулуунбаатарын