Елбасы кітабында Қазақстанның ЕҚЫҰ-ға мүше атанғаны жайлы толық жазылған

Қазақстан осыдан тура 26 жыл бұрын, яғни 1992 жылдың 30 қаңтарында Еуропадағы Қауіпсіздік және ынтымақтастық ұйымына мүше атанды.

Содан бері ұйымның абыройын көтеріп, жаһандағы қауіпсіздік пен ынтымақтастықты нығайту тұрғысындағы еліміздің еңбегі ұшан-теңіз. Қазақстанға сенім артып, ұйым мүшелері 2010 жылы төрағалықтың тізгінін ұстатты. Бұл туралы Елбасы «Тәуелсіздік дәуірі» кітабында жазған.

Нұрсұлтан Назарбаев, ҚР Президенті:

...1975 жылдан бастап ЕҚЫҰ тарихында жоғары деңгейде өткен кездесулер саны алтау ғана екенін атап өткен жөн. Ұйымның жарғысы бойынша екі-үш жылда бір рет өткізілуге тиіс болса да, осындай саммит соңғы рет 1999 жылы өтті. Осынау 11 жылдық үзіліс ЕҚЫҰ-ның қазіргі қызметінің жай-күйін айқын дәлелдеді. Негізінде шешім қабылдауға тиіс ұйымның өзінде бәтуа көптен бері жоқ еді.

...Сондықтан мен жаңа ғасырда, жаңа сападағы геосаяси және экономикалық жағдайда ЕҚЫҰ мемлекет және Үкімет басшыларының деңгейінде кездесу өткізетін уақыт жеткенін түсіндім. Ақыр аяғында мен келтірген себептер қолдау тапты...

Видео Елбасы кітабында Қазақстанның ЕҚЫҰ-ға мүше атанғаны жайлы толық жазылған канала Khabar NEWS