Алматы облысында табиғи газ құбырлары бірінен соң бірі қатып қалып жатыр

Алматы облысында табиғи газ құбырлары бірінен соң бірі қатып қалып жатыр. Соның салдарынан халық жылусыз, көгілдір отынсыз отыр. Тіпті тұрғындар шәугімге су қайнатып, құбырларды өзіміз жылытып әлекпіз дейді. Ал Талдықорғанға газ жүргізуге тапсырыс берген басқарма басшысы тілшімізге сұхбат беруден қашып, артынша жағдайды орынбасарына айтқызыпты.
Көгілдір отын шығатын жерден қатты қысыммен су атқылап жатқан бұл Талдықорғанда болып жатқан жағдай. Кемінде 500 мың теңгеге жуық қаражат беріп, газ орнатқан тұрғындар енді өмірлері үшін үрейленіп отыр.
АЙТАҚЫН БҰЛҒАҚОВ, Талдықорған қаласының тұрғыны:
– Қай уақытта қатып қалатынын өзің білмейсің. Далаға шықсаң. Шақырсаң келмейді. Воздух жібереміз, звондасаң, аға ыстық су құйыңыз дейді, сосын ыстық су құясың.
Ал көгілдір отынды беріп отырған «ҚазТрансГаз Аймақтың» Жетісу филиалы құбырлардың қатып жатқанын растады. Бірақ компания біз құбырға емес, газға ғана жауаптымыз дейді.
РАВИЛЬ ИСМАИЛОВ, «ҚазТрансГаз Аймақ» акционерлік қоғамының Жетісу өндірістік филиалының директоры:
– 400 заявкадан түседі. Көбіне Еркін жақтан и Өтенай жақтан. Подрядчиктардың үйге қосқан біздің құбырдан үкіметтің үйге қосқан өте нашар.
ДАМИР ДӘУЛЕТХАНҰЛЫ, Алматы облыстық ТҮКШ басқарма басшысының орынбасары:
– Нақты Талдықорған қаласын газдандыруға біз жоба бойынша 19 ,4 миллиард теңге қаражат жұмсадық. Мемлекеттен бюджеттен. Іске қосу кешенінде 22 мердігер бар.
САМАЛ ҚАБЫШЕВА, тілші:
– Яғни кімнің кесірінен жұмыстың дұрыс атқарылмайнынан газ құбырларының қатып жатқаны белгісіз. Сондықтан Алматы облысының прокуратурасына бұл істі майшаммен жақсылап қарайтын кез келді.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31

Видео Алматы облысында табиғи газ құбырлары бірінен соң бірі қатып қалып жатыр канала Информбюро 31