RESPUBLİKA BİLİK YARIŞININ QALİBLƏRİ MÜƏYYƏNLƏŞİB

“Heydər Əliyev və Azərbaycan tarixi” mövzusunda bilik yarışının qalibləri müəyyənləşib. Bu dəfə ali məktəb tələbələri yalnız ölkənin tarixi və mədəniyyəti haqqında deyil, həm də müasir Azərbaycanın qanunvericlik tarixi haqqında biliklərini nümayiş etdiriblər.
Bu il bilik yarışında ölkənin ali təhsil müəssisələrini təmsil edən 49 komanda iştirak edib.
“Heydər Əliyev və Azərbaycan” bilik yarışı hər il Heydər Əliyev Mərkəzinin təşkilatçılığı və Təhsil Nazirliyinin dəstəyi ilə keçirilir. Bu dəfə tələbələr biliklərini noyabrın 12-də sınayıblar. 1995-ci ilin məhz bu günündə milli lider Heydər Əliyevin rəhbərliyi altında hazırlanan Azərbaycan Konstitusiyası qəbul olunub. Budəfəki yarışın qalibi isə DİN-in Polis Akademiyasının komandası olub.
Yarışın gümüş medalçısı Dövlət Təhlükəsizliyi Xidmətinin Heydər Əliyev adına akademiyası olub. Dövlət Sərhəd Xidmətinin Akademiyasının tələbələri isə 3-cü yeri qazanıblar.

Видео RESPUBLİKA BİLİK YARIŞININ QALİBLƏRİ MÜƏYYƏNLƏŞİB канала CBC TV Xəbərlər