Астролог, тектанушы, үй жануарларына күтім жасау: ерекше маман иелерінің табысы қандай?

Елімізде ерекше мамандық иелерінің қызметіне жүгінетіндер көбейген. Яғни, жұлдызнамашы, тектанушы, үй жануарларына күтім жасайтындар, денеге тату салатындар мен неке агенттіктерінің табысы артқан. Ұлттық статистика бюросының мәліметіне сүйенсек, биылғы тоғыз айда олар 380,7 миллиард теңге тапқан. Бұл көрсеткіш өткен жылмен салыстырғанда бірден 85 пайызға көп.
Балауса Уайысова татуировка салудың шебері. Маман соңғы жылдары денеге сурет салғызатындар көбейіп, табысы едәуір артқанын айтады. Оның салонына 16 жастағы жасөспірімнен бастап 60 жастағы зейнеткерге дейін келеді екен.
БАЛАУСА УАЙЫСОВА, тату шебері:
– Ер адамдар да, қыз балаларда көп келеді. Гүлдерді салатын болған соң әйел адамдар көптеу келеді. Бала туғаннан кейін денесінде шрам, ожогтар қалса соны жабуға келеді. Бағасы шамамен 25 мыңнан басталады. Үлкен болса қиындығына байланысты, бірнеше күн салатын суреттер болады. Бір суретті салу үшін көп уақыт кетсе қымбаттау болады.
Соңғы уақытта денеге сурет салатындардан бөлек жұлдызнамашы, бал ашатындар, тектанушы,
үй жануарларына күтіп жасайтындар мен неке агенттіктеріне сұраныс артқан. Ұлттық статистика бюросының мәліметінше, биыл 9 айда ерекше мамандық иелері 380,7 миллиард теңге пайда тауып, ІТ мамандарының табысына жақындап қалған екен. Мәселен, астролог Қаракөз Аппазованың бір сағаттық кеңесі 20 мыңнан басталып 80 мың теңге дейін жетеді. Адамдар маңызды шешім қабылдамас бұрын оның жорамалына жиі жүгінеді екен.
ҚАРАКӨЗ АППАЗОВА, астролог:
– Ең басында қытай астрологиясымен айналыстым. Өйткені қазақы жылнамаға сай жақындықтары бар. Бұл астрологияға жүгінетіндер көбінесе әйел адамдар. 20 адамның ішінде екеуі ғана ер адам болады. Әркімнің қалауы әртүрлі. Кейбіреулер мүлік алғымыз келеді, кейбіреулер бала көтергім келеді. Қарғыс бар ма, жоқ па соны қарап беріңіз. Болса қалай шығу керек.
Бірақ сарапшылар мұндай бизнестің өкілдері бұрын табыстарын жасырған деп топшылайды. Сондықтан "көлеңкеден" шыққан мамандық иелерінің пайдасы да еселеп артты деп отыр.
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

Видео Астролог, тектанушы, үй жануарларына күтім жасау: ерекше маман иелерінің табысы қандай? канала Информбюро 31