abbikallu falls

ಮಳೆಗಾಲ ಪ್ರಾರಂಭವಾಯಿತೆಂದರೆ ಸಾಕು ಸಾಮಾನ್ಯವಾಗಿ ಪಶ್ಚಿಮ ಘಟ್ಟಗಳ ಸಾಲಿನಲ್ಲಿ ಹಲವಾರು ರೀತಿಯ ಜಲಪಾತಗಳು ತಮ್ಮ ಸೌಂದರ್ಯವನ್ನು ವೃದ್ಧಿಸಿಕೊಳ್ಳುತ್ತವೆ.

ದಟ್ಟ ಕಾನನದ ನಡುವೆ ಇಳಿಜಾರಿನಲ್ಲಿ ಮೈದುಂಬಿ ಹರಿಯುತ್ತಿರುವ ಅಬ್ಬಿಕಲ್ಲು ಜಲಪಾತವನ್ನು ನೋಡುವುದೇ ಕಣ್ಣುಗಳಿಗೆ ಸೊಗಸು ಅದರಲ್ಲೂ ತಳುಕುತ್ತಾ ಬಳುಕುತ್ತಾ ಕಲ್ಲಿನಿಂದ ಕಲ್ಲಿಗೆ ಹಂತ ಹಂತವಾಗಿ ಹರಿಯುವಾಗ ಕ್ಷೀರಧಾರೆಯೇ ಹರಿದು ಬಂದಂತಹ ಅನುಭವ.

ನಿಸರ್ಗದ ಸೌಂದರ್ಯ ಸವಿಯುತ್ತ ಜಿಟಿಜಿಟಿ ಮಳೆಯ ನಡುವೆ ಕಾಡು, ಗುಡ್ಡಗಳ ಜತೆಗೆ ಊರು ಸುತ್ತುವುದೇ ಒಂದು ಖುಷಿ. ಇದರ ನಡುವೆ ಪ್ರಿತಿಯಿಂದ ಮುತ್ತಿಕ್ಕಿ ಸ್ವಾಗತಿಸುವ ಇಂಬಳಗಳು. ಹೊಗೆಸೊಪ್ಪು ನಶ್ಯ ಲಿಂಬೆರಸದಂಹ ಉಡುಗೊರೆಯನ್ನು ನೀಡಿ ಅವುಗಳಿಗಳನ್ನು ಬಿಳ್ಕೊಡುತ್ತ ಮುಂದೆಸಾಗುವಾಗ ಅಪಾಯಕಾರಿಯಲ್ಲದಿದ್ದರೂ ಜಾರಿದಾಗ ಆಗುವ ಅನುಭವಗಳು ನಮ್ಮ ಉತ್ಸಾಹ ಮತ್ತು ಗಮನವನ್ನು ಎಲ್ಲೂ ಸಾಗದಂತೆ ಇರುವ ಸ್ಥಿತಿಯನ್ನು ಸದಾ ಜಾಗೃತಗೊಳಿಸಯತ್ತದೆ.

ಶೃಂಗೇರಿ - ಆಗುಂಬೆ ಮಾರ್ಗದಲ್ಲಿ ಹರಾವರಿ ಎಂಬಲ್ಲಿ ಎಡಕ್ಕೆ ತಿರುಗಿ ಕೆಲವು ಕಿಲೊಮೀಟರ್ ವಾಹನದಲ್ಲಿ ಸಾಗಬೇಕು, ನಂತರ ಮೂವತ್ತು ನಿಮಿಷ ಕಾಲುದಾರಿಯಲ್ಲಿ ಸಾಗಿದಾಗ ಅಬ್ಬಿಕಲ್ಲು ಜಲಪಾತ ಕಣ್ಮನಸೆಳೆಯಿತು.
ವರ್ಷ ವೃಷ್ಟಿಯ ಲಯಕ್ಕೆ ತಕ್ಕಂತೆ ತಾಳ ಹಾಕುತ್ತಿರುವ ಜಲಪಾತ. ಹನಿ ಹನಿಯಾಗಿ ಸುರಿಯುವ ಸೋನೆ ಸೊಗಸು- ಎಲ್ಲವೂ ಮನತಣಿಸುತ್ತದೆ.

ಅಲ್ಲಿ ಕೆಲವು ಗಂಟೆಗಳು‌ ಕಳೆದು ಬಾನಂಚಿನಲ್ಲಿ ಕತ್ತಲೆಕವಿದಾಗ ಮನೆಗೆ ಹೊರಟಾಯಿತು.

ಮಳೆಗಾಲದ ಒಡ್ಡೋಲಗದಲ್ಲಿ ನೆನೆದು ಬಂದಾಗ, ಮನೆಯ ಬಾಗಿಲಲ್ಲಿ ನಿನ್ನೆಯಿಂದ ಮಳೆ ಜೋರಾಗಿ ಬರ್ತಿದೆ ಈಗಲೇ ಸುತ್ತಕ್ಕೆ ಹೋಗಬೇಕಿತ್ತ ತಲೆ‌ ಬೇಗ ಒಣಗಿಸಿಕೋ ನೆಗಡಿ ಆದರೆ,.? ಎಂಬ ಅಮ್ಮನ ಕಾಳಜಿ ಪೂರ್ವಕ ಬೈಗುಳ ಹಿತನವೆನಿಸತು.

@prajwal_ms_rao

Видео abbikallu falls канала Sringeri Nammuru ಶೃಂಗೇರಿ