شاعر الدفاع الجوي الشاعر : مبارك بن سعد الشقحاء بقصيدة امام قائد كلية الملك عبدالله للدفاع الجوي

موج الشعر وملاعب القاف لطام
ويدفني بي بحوره الشاعريه
.
ويدوي بصدري مدفعه قدله ايام
يزعج به هجوسي ويدوي دويه

شاعر والا جات المواقيف مقدام
ولاني بمجهول الشعر والهويه

ومن دون داري الجم العايل الجام
وابطش بمينن صامله وحمويه

وقفت وشبحي للمنصات روام
والراس حيٍ والمواقيف حيه

من لايحطم لا وقف كل الارقام
تحرم عليه البدله العسكريه

ومن عقبها يامرحبا عد من وصام
وكبر وصلى وزار طه نبيه

بقادات وجنودٍ وطلاب واكرام
على الشحم والهيل والشاذليه

ترحيبتن لو قستها امتار واقدام
من طارف الصمان لين الحويه

يادارنا دار المكارم والاكرام
وملفى الشعوب وفي ذراك محميه

مهبط وحي وتاريخ وامجاد الاقوام
مربى الرسل وميلاد خير البريه

دستورك القران وتشريع الاسلام
واعظم صروح الامه اليعربيه

عشتي لنا عظمى على مر الاعوام
ومن دون خشم عداك حره وابيه

في ظل منهو للثقيلات دحام
زيزوم حرب وقفته صيرميه

ليث الوغاء عوق المعادين لطام
واليا تعزوى زلزل الجرهديه

سلمان سيف الحق وسلمان الامام
وسلمان اخو نوره حميد السجيه

والله مامثله على الحكم حكام
ولا فيه حاكم صار مثله وزيه

وولي عهده للمعادين كعّام
من الكرم والجود كفه نديه

درع من صروف المقادير وحزام
وريف الضعوف ويازبون الونيه

حازم و عازم وصيرمين وعزّام
صامل ونفسه للمهونه معيّه

ياخيّل العوجاء عمى عين الاخصام
اليا اعتزى بالعزوه الفيصليه

من دونها نارد على موتنا حيام
والجيش يتحرك سريه سريه

ماهمنا الحوثي ولا فكره السام
لابوه و لابو اعوانه الفارسيه

حنا على الحوثي وعلى اعمامه خطام
عزومنا على الشدايد قويه

حماة السماء والارض وفعولنا وجسام
ودروعها من عاد بقعاء صبيه

ستر البني ان ماستر وجهها لثام
حماية البيداء نهار السبيه

تخضع لنا الساده وهقاويهم جثام
ويصرف لنا كف الزمان التحيه

واليا طغى عج الوغى نكرب حزام
ششنا على صوت الرصاص ودويه

يرقص لنا الشيطان ويطق الابهام
وفينا على شوف الدماء قابليه

نغير ونكبر ونقدم لها اقدام
ونارد نهار الحرب حوض المنيه

شعارنا نخله وسيفينها شمام
ونسوق فيه الروح من غير ديه

حنا ولانا بالشرايين قدام
لاتقص شيبان البلد تابعيه

يوم العرب صفت على حدودك قيام
يسوقها فيك الولاء والحميه

واليوم وقفنا قدم عين الاخصام
وجينا لهم بالهوك والمدفعيه

حنا هل السنه ياعباد الاصنام
ماحن تبع احزاب ولا خلية

نصر من الله يومنا عوق وكعام
بوجيه اهل الفتنه الجاهليه

ولا يلحّقني المشاريه لوّام
وانا مواقيفي بشعري جريه

متشابهاتٍ وقفتي ذي والعام
وقفة ولاء واخلاص حقٍ عليه

وقصيدتي ماهي تصاريح واعلام
الا فعولن لااحتمت كل هيه

دون الملك و الدار ومن دون الاسلام
اصد غارات الزمان العتيه

اما تعيش الدار وملوكها كرام
ولانموت وحافظين الوصيه

Видео شاعر الدفاع الجوي الشاعر : مبارك بن سعد الشقحاء بقصيدة امام قائد كلية الملك عبدالله للدفاع الجوي канала # Ksa