Шымкентте адам құқықтарын қорғау жөніндегі жиын өтті

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Елімізде соттың шешіміне көңілі толмайтын адамдар көбейген. Осы көрсеткішті азайту мақсатында Шымкентте адам құқықтарын қорғау жөніндегі жиын өтті. Құзырлы орган өкілдері мен зорлық-зомбылық орталығының мамандары өзекті мәселені талқылап, оны шешу жолдарымен бөлісті.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq

Бүгінгі шығарылымда:

Еліміздегі адам құқықтарын қорғау комиссиясына жылына мыңнан астам шағым түседі екен. Арыздың көбі сот үкіміне көңілі толмайтындардан келеді. Яғни, отандастарымыз Қазақстандағы қылмыстық, азаматтық және әкімшілік соттардың шығарған шешімдері әділетсіз деп санайды. Әрі отандастарымыздың басым бөлігі құқық қорғау өкілдері өз жұмысына немқұрайлы қарайды деген ойда. Сондай-ақ, еңбек дауы да азаймай тұр.
ТАСТЕМІР ӘБІШЕВ, ҚР Президенті жанындағы адам құқықтары жөніндегі комиссия төрағасының орынбасары:
– Адам құқықтарын сот арқылы қорғау, соттан тыс институттар арқылы қорғау, себебі бәрі сотқа бара бермейді ғой. Егер Қазақстанда сіздің адам құқықтарын қорғау жүзеге аспаса, сізді Бас прокуратура бас тартса не істей аласыз? Қандай механизмдер қалды халықаралық деңгейде? Осы туралы біз егжей-тегжейлі айтып береміз.
Жиында қазақстандықтардың ғана емес мигранттардың да құқықтары айтылып, құзырлы орган өкілдерінің заңсыздық әрекеттерінен қорғану амалдары талқыланды. Ал семинарға алыс-жақын елден келген мамандар түсіндіру жұмыстары үлкен қалаларда ғана емес шалғай ауылдарда да жүргізілуі керек деген пікір білдірді.
ФОЛЬКЕР ФРОБАРТ, ЕҚЫҰ Астанадағы бағдарламалар кеңесінің басшысы:
– Адам құқықтары – ең маңызды тақырып. Мұндай семинар өткізудегі мақсат – маңызды мәселелерге келгенде, шетте қалмай, Қазақстанның белсенді азаматтарының қатарында болу және мәселені шешуге атсалысу.
Мамандардың айтуынша, соңғы жылдары әлемде адам саудасы да азаймай тұр. Қала берді отбасылық зорлық-зомбылық құрбандарының көбейгені де тақырыпқа тұздық болды. Жантүршігерлік статистиканы барынша азайту керек деген сарапшылар тұрғындарды құқықтық білімін тереңдетуге шақырады.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық

Видео Шымкентте адам құқықтарын қорғау жөніндегі жиын өтті канала Информбюро 31