ДЕФИЛЕ НА БЕРОВСКИТЕ МАТУРАНТИ ГЕНЕРАЦИЈА 2019/2023

Вечерва беровскиот плоштад, блескаше од преубавите матуранти, кој на завршување со средношколското учење, пред прославата на матурската вечер, го одржаа традиционалното матурско дефиле и ја покажаа својата убавина и посебност, низ елеганција и грациозност.
И оваа година, матурантите од ОСУ,,Ацо Русковски” од Берово, пред своите родители, пријатели и граѓаните на општина Берово, кои дојдоа на плоштадот ,,Димитар Беровски’’ да ги испратат на прославата, низ посебен стил и шарм продефилираа во Берово, танцувајки на украсениот плоштад, кој личеше на младинска бајка.

Градоначалникот Звонко Пекевски упати честитки за матурантите посакувајќи им, на патот кој следува, да не ги заборават традиционалните вредности: семејството, културата и доброто однесување, насочувајќи го својот потенцијал, кон вистинските вредности.

Да бидат желни за нови знаења, да веруваат дека можат да ги остварат и најголемите соништа, да мечтаат, секојдневно да учат и истражуваат, надополнувајте ги нивните знаења и вештини и предизвикувајќи позитивни промени во општеството.
Гордо и достоинствено да продолжат напред, да дадат се од себе, да инвестираат во себе и да запаметат дека се родени да постигнуваат големи успеси.

Со искрени желби за светла и успешна иднина, на матурантите , им се обратија и Директорката на ОСУ,,Ацо Русковски”, Душка Паговска и Градоначалникот на Општина Пехчево, Александар Китански, како и претседателот на средношколската заедница, Бојана Брашнарска.
Неизоставен дел од матурското дефиле беше, огнометот, кој придружен со Виенските валцери и прекрасните балони кои летаа, се заедно изгледаше прекрасно, волшебно и магично и даде вистинско светло, за почеток на прославата на матурската вечер на беровските матуранти.

Среќно матуранти!!!
Ви посакуваме во животот да градите мостови на пријателство, соработка и разбирање! Веруваме во вас и ве гледаме како креатори на нови успеси и достигнувања.
Ви посакуваме многу здравје и среќа во животот, како и успех на личен и професионален план и бидете секогаш оригинални. Ве сака вашиот портал Малеш Нет ❤️❤️❤️❤️❤️

Lo-Fi Fashion Chill Hip Hop | Vlog by Alex-Productions | https://onsound.eu/
Music promoted by https://www.chosic.com/free-music/all/
Creative Commons CC BY 3.0
https://creativecommons.org/licenses/by/3.0/

Видео ДЕФИЛЕ НА БЕРОВСКИТЕ МАТУРАНТИ ГЕНЕРАЦИЈА 2019/2023 канала Malesh Net - Интернет ТВ