Жан құрбым әкемді тартып алды | Махаббат туралы анимация

Сәлем достар! Жақында менің өмірімде жақын адамдарыммен қарым-қатынасымды өзгерткен күтпеген жағдай болды.
Менің есімім Айғаным. Әкемді қатты жақсы көремін. Анамнан ерте айырылдым. Сондықтан да әкем анамның орнына ана болды. Кейде әкеме қалжыңдап «анашым» деймін.
Әкемнің де маған деген сүйіспеншілігі ерекше . Бір емес, бірнеше жерде жұмыс істегеніне қарамастан, мені мектепке апарып тастайтын, сосын алып қайтатын . Үй тапсырмаларын орындауға көмектесетін. Менің мектептегі жетістіктерімді естігенде ерешке қуанатынды.
Соңғы қоңырау соқты. Бұл салтанатты жиында да әкем менімен бірге болды. Мен өзімді сондай бақытты сезіндім.
Студенттік шаққа да жеттім. Бұл ең қызықты күндер болатын. Аудиторядан аудиторияға көшіп, сенбіліктер өткізіп, көп нәрсені талқылайтынбыз. Жанерке есімді қыз жан құрбыма айналды. Өте сұлу әрі көркем мінезді. Екеуіміз сырлас болдық. Үй тапсырмасын бірге орындап, бір-бірімізге көмектесіп жүретінбіз. Тіпті, бірге дүкен аралап, уақытымызды қызықты өткізетін едік.
Бір күні құрбымды үйге қонаққа шақырдым. Сабақ оқып болған соң, сүттен коктейіл жасап, біраз әңгімелестік. Бір кезде үйге әкем кіріп келді, бізді көрді де біртүрлі түрі өзгеріп кетті. Мен құрбымды үйге ескертусіз алып келгендіктен таң қалған шығар деп Жанеркенмен таныстырдым. Бірақ екеуінің бір-біріне басқаша қарағанын байқап қойдым.
Жанеркені шығарып салғаннан кейін, әкем екеуміз кешкі ас ішіп отырып біраз әңгімелестік. Әкем құрбым туралы сұрай бастады. Ойымда ештеңе жоқ. Үйге бірінші рет келгендіктен Жанерке туралы қайта-қайта сұрап жатқан шығар дедім. Университетке барғанда Жанерке де әкем туралы сұрай бастады. Осыдан кейін ол бізге қонаққа жиі келетін болды.
Бір күні екеуміз сабақ оқып отырғанда әкем кіріп келді де екеуі сөйлесіп кетті. Мені көзге де ілер емес. Екеуінің қарым-қатынасы тым жақсы. Ішімде қызғаныш оты лаулай бастады. Әйтеуір, болмашы сылтаумен тезірек Жанеркені шығарып салдым.
Келесі демалыс күндері біз топпен серуенге шығатын болдық. Жанерке, өзін жайсыз сезініп тұрмын деп бармайтын болды. Мен өзім шықтым. Бірақ, асығып жүріп телефонымды үйде қалдырып кетіппін. Үйге қайтып оралуға тура келді. Таксиден түссем, әкемнің көлігі есік алдында тұр . Жұмысқа барамын деген әкем үйде екен. Ақырын үйге кірдім. Бөлмемнен телефонымды алдым да кіреберіске шықтым. Алдымда Жанерке тұр. Үстінде сүлгі. Мені көріп қатты қобалжып кетті. Артынан әкем шықты , ол да мені көріп «Айғаным» деді де не істерін білмей қалды
Мен шу шығарып, жағдайды ушықтырған жоқпын. Телефонымды алдым да сыртқа шығып кеттім. Артымнан Жанерке мен әкем жүгіріп шықты. Маған бірнәрсе түсіндіруге тырысқанымен одан нәтиже болмады. Ақыры Жанерке мен келген таксиге отырды да кетіп қалды. Қолайсыз жағдайға тап болған әкем де жұмысқа кетті. Мен үйде жалғыз қалдым. Кешкісін Жұмыстан оралған әкем өзін тым кінәлі сезініп жүрді.Ашумен қатты сөздер айтсамда ол жауап бере алмас еді.
Ақыры тыныштықты бұзып «Бұл қалай болғаны?» дедім әкеме. Ұзақ уақыт үнсіз отырған әкем, ақыры бәрін айтып берді. Олар бұрыннан таныс боп шықты. Екеуі интернет арқылы сөйлесіп , бір-бірін ұнатып қалған екен. Бірақ бұл жағдай менің ашуымды, қызғанышымды баса қойған жоқ. Оны байқаған әкем: «Қаласаң мен Жанеркемен енді кездеспеймін» деді. Осы сөзі бәрін өзгертті. Өзімнің қамқор, мейірімді әкемді қайта көрдім. Әкем мен үшін көп нәрседен бас тартты. Бұл жолы оны да түсінуге тырыстым. Әкемнен «сен бақыттысың ба?»-деп сұрадым. «Жанерке жақсы адам, маған деген қарым-қатынасы ерекше» деді ол. Жанына жақын адамын тапқанына мен де қуандым.

Ал, Жанерке болса менің алдымда өзін ыңғайсыз сезініп басқа топқа ауысқысы келді. Әкем екеуінің бақытты болуына қарсы еместігімді айттым. Екеуміз жақын құрбы болғандықтан бір-бірімізді жақсы түсінетін едік. Мүмкін сондықтан да болар мен оны қабылдадым.
Осы жағдайға байланысты өз ойларыңызды астына қалдырыңыз. Лайк басып, каналға тіркелуді ұмытпаңыздар.
Хабарландыруды қосуды ұмытпаңыз!

Сендер де оқиғаларыңды біздің поштаға takbyvaetvjizni@gmail.com жазып жіберіңдер.
Авторлық құқықтар қорғалған.
Барлық авторлық құқықтар Ligths Creative Group студиясына тиесілі

#үйдебол #aнимация #мениңқүпиям

Видео Жан құрбым әкемді тартып алды | Махаббат туралы анимация канала МЕНІҢ ҚҰПИЯМ