Интервју со Ана Батева, македонска режисерка која живее и работи во Бугарија

„Буре барут“ е спој на повеќе дела на Дејан Дуковски
Со бурни аплаузи беше испратена екипата на претставата "Буре барут" што викендов се играше во рамките на фестивалот „Лица без маски“. Режисер на претставата е Македонката Ана Батева, која работи во Бугарија. "Буре барут". Претставата, која се одигра на бугарски јазик, е работена според две драми на Дејан Дуковски („Буре барут" и „М.М.Е. Кој прв почна") и засега социјални теми за животот на Балканот, балканскиот менталитет и перцепција за светот и животот.
Батева беше гостин во студиото на „Република“ Вели воодушевена е од реакцијата на публиката, но пред сѐ и од реакцијата на Дејан Дуковски, кој е фасциниран од неверојатниот спој на неговите дела.
-Целата суровост и трагедија од пропаднатиот живот е претставена во формата на кабаре, каде што преку иронијата, сатирата и кабаретните песни исполнети од оркестар на живо, не директно, но на потсвесно ниво ќе го натераат гледачот да се замисли за основните морални прашања и вредносен систем, кој во последно време драстично деградира или веќе воопшто и не постои. Затоа што за да стигнат лесно и брзо до гледачот вистините за неговиот сопствен живот треба да не го предизвикуваат судот на неговиот разум - вели режисерката Батева, која минатата година дипломираше театарска режија во Софија.

Видео Интервју со Ана Батева, македонска режисерка која живее и работи во Бугарија канала Nedelnik Republika