BEST OVERALL BOXER na NAKALABAN ni OSCAR DE LA HOYA | SI MANNY PACQUIAO NGA BA?

Best overall boxer na nakalaban ni Oscar De La Hoya, si Manny Pacquiao nga ba?

Nagsimulang pumutok ang pangalang Oscar de laHoya noong dekada nobenta. Ang native ng East, LA ay tumabo ng 10 world titles sa 6 different division.
Napakaganda ng amateur record ni dela hoya na 235 na panalo with only 5 losses kasama ang mga national amateur championship na nagbigay daan upang mapabilang siya sa 1992 US Olympics team.

Si de la hoya ang kaisa-isang boksingero na nakakuha ng Gold Medal sa Barcelona Olympics at dito umusbong ang tawag na Golden Boy sa kanya.

Matapos ang Olympics, nag-anunsiyo si De la Hoya na handa na siya sa professional boxing. Kaya naman, agad itong kinuha ni Bob Arum at ng Top Rank Promotions para maikasa at maihanap ng magandang laban.

Makaraan pa ang halos dalawng taon, nakuha ni De la Hoya ang kanyang kauna-unahang kampeonato ng manalo kontra kay Jimmi Bredahl para sa WBO Super Featherwight Title.

Nagtanoong ang The Ring kay Golden Boy kung sino ang best boxer na kanyang nakalaban sa 10 kategorya at ito ang kanyang sagot.

BEST JAB : IKE QUARTEY
Nadepensahan ni De la Hoya ang kanyang WBC Welterwight belt kontra kay Quartey ngunit ang consistent powerful jabs ng native ng Ghana ang nagpahirap kay Golden Boy sa laban .

BEST DEFENSE : PERNELL WHITAKER
Pinagpilian sa kategorayang ito ang pangalang Floyd Mayweather at Pernell Whitaker. Parehas na maganda ang depensa ngunit magkaiba ang istilo. Kahit na nakatayo lang sa harapan mo si Pernell, may sa-palos daw ito sa dulas. Nangibabaw ang sagot na Pernell Whitaker dahil mahirap daw itong patamaan,

BEST FOOTWORK : FLOYD MAYWEATHER JR.
Magaling ang footwork ni Mayweather kaya nagagamit nito as advantage ang buong boxing ring. Mabilis din daw na natiktikan ni Floyd kung kelan ka aatake na naging malaking parte ng kanyang depensa.

BEST HAND SPEED : Shane Mosley
Napaisip si Dela Hoya sa kategorayang ito at lumabas ang mga pangalang Pacquiao, Mayweather at Sugar Shane Mosley. Si Pacquiao daw ay kaya kang paliguan ng mga suntok sa ibat-ibang Angulo, si Mayweather naman ay mabilis mag-counter ngunit ang prime na Shane Mosley ang pinakamabilis na nakalaban ni Golden Boy.

STRONGEST : FERNANDO VARGAS
Muntik daw na ma knock-out ni Vargas si De la Hoya sa unang round pa lang ng kanilang bakbakan. Kahit na nag-positive sa steroids after ng laban si Vargas, aminado si Golden Boy na malaki at lubhang malakas daw ito.

SMARTEST : FLOYD MAYWEATHER JR
Ang husay ni Mayweather na malaman kung kelan ka aatake ang siyang nagpapanalo sa kanyang mga laban.

BEST CHIN : JULIO CESAR CHAVEZ:
Ang Mexican legend at ang ini-idolo ni De la Hoya na si Julio Cesar Chavez daw ang may pinaka-matibay na panga sa mga nakalaban niya. Kahit na tinatamaan daw ito ng malalakas na suntok e di man lang daw natitinag

BEST PUNCHER : IKE QUARTEY:
Ang suntok daw ni Quartey ay masasakit na parang bato kung tumama. Bawat suntok daw na tumama e naaalog itong si Golden Boy.

BEST BOXING SKILLS : PERNELL WHITAKER
Ang native ng Norfolk Virginia na si Whitaker ay ang pinka-bihasang boksingero ayon kay De la Hoya. Bukod sa punching power, skill at taas ng IQ sa boksing , handa din daw ito na makipagsabayan sa harapan mo, kayang umiwas sa mga suntok at hindi tumatakbo. Isa daw si Whitaker sa all-around best boxer na nakaharap ni De la Hoya

BEST OVERALL : MANNY PACQUIAO:
Todo papuri si De la Hoya kay Pacquiao sa kategoryang ito. Bukod daw sa determinasyon, skill, power, speed at footwork – si Manny daw ang isa sa mga boksingero na nakuha ang kanyang respeto. Kung ang bakbakang Mayweather-Pacquiao ay nangyari noong kalakasan pa nilang dalawa, Tiyak daw na talo si Floyd kay Manny.
December 6, 2008 ang huling laban ni De La Hoya kontra sa ating pambanssang kamao. Ang laban ay tinaguriang Dream Match kung saan naging bangungot kay dela Hoya. Panalo si Pacquiao kontra sa kanyang ini-idolo via corner stoppage at the end ng eight round.

Matapos magretiro, nag-focus na lamang sa negosyo si De la hoya. Siya ang nagpapatakbo ng Golden Boy Promotions, ilang stake sa soccer team na Houston Dynamo at may partnership din sa DAZN.

Credits:
https://www.ringtv.com/596318-best-i-faced-oscar-de-la-hoya/
https://www.youtube.com/watch?v=HRt5lsSADlE

#goldenboy #oscardelahoya

Видео BEST OVERALL BOXER na NAKALABAN ni OSCAR DE LA HOYA | SI MANNY PACQUIAO NGA BA? канала Sports Manda