Mama mjane asimulia alivyompatia mwanawe Sh600 za matumizi baada ya kuchaguliwa kwenda jeshini

Kampuni ya Mwananchi Communications LTD wasambazaji wa magazeti ya Mwananchi, Thecitizen na Mwanaspoti Tanzania.

Mama mjane,asimulia alivyompatia mwanawe Sh600 za matumizi baada ya kuchaguliwa kwenda jeshini

Chama cha Wanawake Wajane Tanzania mkoa wa Tanga kimeiomba serikali kuangalia uwezekano wa kuwapatia mikopo kupitia vikundi vyao na misaada mingine,ili kuweza kuabiliana na changamoto zinazowakabili za kushindwa kumudu kuendesha familia baada ya wanaume zao kufariki,

Miongoni mwa makundi ambayo yamesahaulika kwenye jamii katika fursa mbalimbali ni wanawake wajane,ambao wameachiwa familia na wanaume zao waliofariki,wanawake hao wanakutana na mitihani kama anavyosimulia Fatuma Omari mkazi wa Mwakizaro mkoani Tanga.

"Nimefiwa na mume wangu tangu mwaka 2002 na ameniachia watoto sita,siku nane baada ya kifo cha mume wangu mtoto wetu wa kwanza aliomba nafasi jeshini na kuchaguliwa ambapo siku ambayo alikuwa akiondoka hatukuwa na pesa ya kumpa ya matumizi,nilikuwa na Sh600 nikampa hiyo hiyo kama pesa yake ya matumizi na sasa amefanikiwa kumaliza mafunzo yake na kupata ajira",amesema Fatuma.

Katibu wa Chama cha Wanawake Wajane Tanzania mkoa wa Tanga Fatuma Madule mbele ya mkuu wa mkoa wa Tanga Balozi Batilda Burian anakiri wanawake wengi wajane kupitia changamoto nyingi za kimaisha walipokuwa kwenye kikao cha kujitambulisha kwenye serikali ya mkoa wa Tanga na kusema kuwa mkoa huo una wanawake wajane zaidi ya 1800 na wanakutana na changamoto nyingi.

Mkuu wa mkoa wa Tanga Balozi Batilda Burian amekiri serikali kutowashirikisha baadhi ya matukio wajane,ila kuanzia sasa serikali ya mkoa itakuwa ikiwashirikisha na hatua ya awali watasajiliwa ili kuweza kupata mikopo hivyo kuwataka kuunda vikundi.

Видео Mama mjane asimulia alivyompatia mwanawe Sh600 za matumizi baada ya kuchaguliwa kwenda jeshini канала Mwananchi Digital