Тұрғын үй инспекциясының өкілеттігін кеңейту жемқорлық пен бюрократияны күшейтуі мүмкін.

ҚР Парламенті Мәжілісі депутаты, «Ауыл» фракциясының мүшесі Ерболат Саурықов:
Заң жобасы нормаларында жүргізілген талдау бюрократияның күшеюіне, сыбайлас жемкорлық схемаларына және тұрғындардың өз меншігін басқару үстіне бақылау жасау мүмкіндігінің азаюына алып келу қаупі бар екенін көрсетіп отыр. Мысалы, Заң жобасында тұрғын үй испекциясының өкілеттіліктерін кеңейтетін жаңа баптар енгізілген. Олар басқарушы компаниялар тағайындау құқығына ие болады және басқарушы компанияларды қабылдау туралы куәліктер береді. Бұл дегеніміз тұрғын үй испекциясы көппәтерлі үйге басқарушы компанияның өз бетінше тағайындауға және таңдауға өкілеттілік алады. Менің ойымша, бұл қызмет бабын асырап пайдалану қаупін тудырады, өйткені тұрғындар таңдау құқығынан айырылып отыр. Басқарушы компания тұрғын үйлердің пікірін ескермей тағайындалу мүмкін. Бұл сыбайлас жемқорлыққа және тұрғын үй коммуналдық, шаруашылық нарығын монополиялауға жол ашады деп ойлаймын. Осыған байланысты, менде 3 сұрақ:
1. Тұрғындар өз үйлерін басқару санын өздері таңдай алмайтындығы белгілі. Осыған байланысты, басқарушы компаниялар тағайындау кезінде сыбайлас жемқорлық қаупін жоюды қалай жоспарлап отырсыздар?
2. Өздеріне қажет компаниялар куәлік алып, ал тәуелсіз компаниялар ала алмайтын жағдайды қалай болдырмауға болады?
3. Компаниялар таңдауда қандай критерийлер қарастырылған? Және қандай тәртіппен жүзеге асырылады?

Видео Тұрғын үй инспекциясының өкілеттігін кеңейту жемқорлық пен бюрократияны күшейтуі мүмкін. канала Ауыл Партиясы