Qənirə Paşayeva Heydər Əliyev Fondundan niyə gedib?

Qənirə Paşayeva: "Özüm ərizə yazıb bir neçə ay əvvəl qurumdakı vəzifədən ayrıldım"

Millət vəkili Qənirə Paşayeva bir neçə gündür ki, barəsində mediada yayılan xəbərlərlə bağlı açıqlama yayıb. Qənirə Paşayeva bəzi internet səhifələrində və agentliklərdə yayılan məlumatların həqiqətəuyğun olmadığını qeyd edib.
Deputat Heydər Əliyev Fondundan uzaqlaşdırılması barədə xəbərlərdən bəhs edərək bildirib ki, 2005-ci ildə hələ millət vəkili seçilməzdən öncə Fondun prezidenti Mehriban Əliyeva tərəfindən ictimaiyyətlə əlaqələr departamentinin rəhbəri vəzifəsinə dəvət edilib. O qeyd edib ki, bu dəvəti qəbul edib və fondda fəaliyyət göstərib. Lakin 2010-cu ildə parlamentə təkrar seçildikdən sonra həm AŞ PA-da, həm də AVRONEST PA-da təmsil olunan Qənirə Paşayeva bir sıra yeni və ölkəmiz üçün vacib parlamentlərarası dostluq qruplarında təmsil olunub, buna görə də xarici səfərləri mütəmadiləşib, tədbirlərin, toplantıların, görüşlərin sayı artıb.
Millət vəkili buna görə də təxminən yarım il əvvəl Fondun prezidenti Mehriban Əliyevaya müraciət edərək, vəzifədən getməyinə icazə istədiyini qeyd edib: Stat "Özüm ərizə yazaraq bir neçə ay bundan əvvəl Fonddakı vəzifədən ayrıldım. Heydər Əliyev Fondunun prezidenti Mehriban Əliyeva və Fondun bütün kollektivi ilə gözəl münasibətlər də, əməkdaşlıq da davam edir, bu gün də Heydər Əliyev Fonduna məxsus binada əvvəlki otağımda otururam".statın sonu
Qeyd edək ki, Qənirə Paşayeva ölkənin ictimai siyasi həyatında aktiv iştirak edən xanımdır. O, ölkəmizi beynəlxalq qurumlarda, xarici təşkilatlarda layiqincə təmsil edir.
Website: http://kanal13.tv/
Facebook: http://www.facebook.com/tvkanal13
Twitter: https://twitter.com/#!/Kanal13_Baku
Click & Subscribe to the main youtube Channel:
http://www.youtube.com/subscription_center?add_user=Kanal13AZ
© KANAL13 [ Azərbaycanın ilk peşəkar internet televiziyası ]

Видео Qənirə Paşayeva Heydər Əliyev Fondundan niyə gedib? канала Kanal13