Алматыда 44 күн комада жатқан жас ана қайтыс болды

Бүгін Алматыда 44 күн комада жатқан жас ана қайтыс болды. Келіндерінің өліміне жақындары №3 қалалық перинаталды орталықтың дәрігерлерін кінәлайды. Жиырма жастағы келіншекке қандай дәрі еккені туралы ақпарат пен аурухана камерасына жазылған бейнежазбаны жолдасы аудандық прокуратураға шағым келтірсе де ала алмапты.
Айы-күні жетіп, толғағы қысып келген қызыма ертең босанасың деп, дәрігерлер толғақты тоқтатын екпе салған дейді марқұм Салтанаттың анасы. Ертеңінде дүниеге сәбиін әкелген соң, 4 сағаттан кейін дәрігерлер қызыма тағы да белгісіз бір дәрі екті. Сол сәттен бастап, ол комаға түскен деп отыр.
МЕЙРАМГҮЛ ЕСІРКЕПОВА, Салтанат Жайнарбекованың анасы:
– Күйеуіне звондаған маған қазір укол салайын деп жатыр деп. Артынша 15 минуттан кейін құлады деген хабар келді. Не укол екенін айтпай отыр. Манас Ембергенович, тробоэмбалия емес деп маған айтты.
БАЯН РАХЫМБАЕВА, Салтанат Жайнарбекованың жеңгесі:
– Біресе тромбоэмфалия, біресе ковид деді. Біресе ауырып келген, өкпесі біткен дейді.
21 күн жан сақтау бөлімінде жатқан Салтанаттың бетін бері қарата алмаған № 3-ші қалалық перинаталды орталық, ес-түссіз жатқан науқасты №7-ші ауруханаға жеткізген.
САЛТАНАТ ЕРБОЛАТОВА, Алматыдағы № 3 қалалық перинаталдық орталығы бас дәрігердің орынбасары:
– Босанғаннан кейін, баласын емізді. Жағдайы тәп-тәуір болатын. Бірнеше сағаттан кейін кенеттен жүрек қағысы тоқтап қалды. Реанимациялық көмектің арқасында жүрек қағысы қайта қалпына келтірілді. 20 күннен кейін неврологиялық жағынан пациенттің жағдайы қиындап бара жатқандықтан, № 7 ауруханаға жеткізілді. Өкпе артериясының тромбоэмболиясы деген диагноз қойдық. Ковидтің бар-жоғын анықтау барысында птр-сынасының нәтижесі теріс шықты. Бірақ, ағзасында антидененің болғаны расталды.
Ал №7-ші қалалық аурухана мамандары, ковидтің ешқандай белгісі болған жоқ деп отыр. Науқас аса ауыр халде жеткізілгеннен кейін, миы мен жүрегі бір мезетте тоқтағанша арпалысқандарын айтады.
ЕСЕНАЙ ЕСПЕМБЕТОВ, № 7 Қалалық КЛИНИКАЛЫҚ аурухана жансақтау бөлімінің аға дәрігері:
– Бізге өте ауыр жағдайда келіп түсті. Есі болған жоқ, кома-3 жағдайында болды. Жасанды аппаратта болды. Қаншама күн өмірі үшін күрестік. Өкпесін тексердік, птр алдық, ондай ковидтың белгілері болмады, антидене болмады.
Перзентхананың жан сақтау бөлімінде жатқан Салтанаттың жағдайы 15-ші күні жақсарып келе жатқанын перинаталды орталықтың дәрігерлері есепке алмады дейді оның жақындары. Науқасты екі аурухананың арасында тасып, енді бір-біріне сілтеп отыр дейді. Марқұмның туыстары кінәлі адамды анықтау үшін сотқа жүгінбек. Ал, Салтанаттың дүниеге әкелген баласының атын Арсен деп қойыпты.
Әйгерім Ердәулет, Влад Шишко
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#перзентханадағы_өлім #қайғылы_жағдай #Алматы

Видео Алматыда 44 күн комада жатқан жас ана қайтыс болды канала Информбюро 31