Yekun xəbərlər 19.12.2020 (Xəbər Saatı) Qarabağda ermənilərin ŞOK HİYLƏSİ! - Təcili İzləyin!

Ermənistanın adı Ukraynanın Səhiyyə Nazirliyinin "qırmızı siyahısı"na salınıb.
Bu barədə “News.am”a Ermənistanın Ukraynadakı səfirliyinin mətbuat xidmətində bildiriblər.
"Ötən həftə Ukraynada koronavirusun yayılması göstəricisi üzrə dinamika Ermənistandan yuxarı idi. Ermənistandan Ukraynaya gələn bütün sərnişinlər koronavirusla bağlı mənfi test nəticəsinə malik olmalı və ya Ukraynada 14 günlük özünü təcridetmə rejimindən keçməlidir. Özünü təcridetmə rejimindən çıxmaq üçün Ukraynada da test vermək olar", - xəbərdə qeyd edilir.
Qeyd edək ki, bu, Ukraynanın Ermənistandan gələnlərə tətbiq etdiyi ilk məhdudiyyət deyil. Rəsmi Kiyev daha əvvəllər də Ermənistandan bu ölkəyə üz tutanlar arasında koronavirusa yoluxma hallarının çox olduğunu əsas gətirərək, müsbət koronavirus testi və ya 14 günlük özünü təcridetmə rejimi tətbiq edib.
Ermənistanda koronavirusa yoluxanların ümumi sayı 152 mini ötüb. Ölkədə pandemiyadan ölənlərin sayı isə 2 596-ya çatıb. Hazırda Ermənistanda 17 796 aktiv koronavirus xəstəsi var
Ermənilər Şuşanın Böyük Qaladərəsi kəndinin ardınca Kiçik Qaladərəsini də tərk edir.
Kənd icmasının rəhbəri David Davtyan bu haqda yerli jurnalistlərə məlumat verib.
Azərbaycan silahlı qüvvələri kəndin lap yaxınlığında dayanıb. Davtyan müsahibəsində bundan çox narahat olduqlarını deyib.
"İnsanlar gedir. Qalanlar da getməyi düşünür. Bir mən qalmışam, bir də kənd direktoru. O tərəfdə azərbaycanlı əsgərlər bütün günü mahnı oxuyur, şənlənirlər. Bu da kənd sakinlərinə pis təsir edir".
Son sutka ərzində İrəvandan Xankəndiyə avtobuslarla daha 470 erməni gətirilib.
Publika.az Axar.az-a istinadla xəbər verir ki, bu barədə məlumatı adətən Rusiya MN yaysa da, bu dəfə Ermənistan MN yayıb.
Erməniləri gətirən avtobusların rus sülhməramlıları tərəfindən müşayiət olunduğu, rusların onlara humanitar yardım göstərdiyi, evlərini bərpa etdiyi və s. bildirilib.
Qeyd edilib ki, bununla da Qarabağa qaytarılan ermənilərin sayı 42 mini keçib.
Ermənistanın sərhədlərin demarkasiyası və delimitasiyası problemləri ilə məşğul olmalı olan “Geodeziya və Kartoqrafiya” dövlət qeyri-kommersiya təşkilatı 2020-ci ildə qismən ləğv edilib.
Publika.az Axar.az-a istinadla xəbər verir ki, bu barədə Ermənistanın Dövlət Komitəsinin daşınmaz əmlak kadastrının keçmiş sədri Sərhat Petrosyan bildirib.
Onun sözlərinə görə, sözügedən qurum artıq yalnız əmlakın qeydiyyatı ilə məşğuldur. Nəticədə isə Ermənistanın bölgə ilə bağlı müvafiq coğrafi xəritələri “yox olub”.
Belə çıxır ki, Ermənistanın öz sərhədlərini dəqiq müəyyənləşdirən dövlət xəritələri yoxdur. Əslində isə bu, boş və mənasız hiylədir: “xəritələri” gizlətməklə illərdir qabağa çəkdikləri dövlət sərhədində qalmağa, hansısa istiqamətdə Azərbaycanın nəyisə unudacağına və gözdən qaçıracağına ümid etməyə, bərpa edilən sərhədlərlə bağlı isə vay-şüvən qurmağa, bunun “torpaq itkisi” olduğunu həyasızcasına deməyə davam etmək istəyirlər
"Levon Ter-Petrosyandan fərqli olaraq, Robert Koçaryan və Serj Sarkisyan hakimiyyəti Azərbaycana qarşı xüsusi aqressivliyi ilə seçiliblər. Ermənistanın sabiq prezidenti Ter-Petrosyan bir zamanlar deyirdi ki, “bu  gün Azərbaycanın bizə verdiklərini sabah yalvarsaq da ala bilməyəcəyik”. Zaman bir daha sübut etdi ki, bu sözlərin arxasında böyük həqiqətlər dayanır. Bu həqiqətin üzə çıxmasından ötrü təqribən 30 il vaxt keçməli oldu, biz bu həqiqətin nə qədər real olduğunu ermənilərə sübut etdik".
Yenisabah.az xəbər verir ki, bu barədə hərbi ekspert İbrahim Rüstəmli MDB Dövlət Başçıları Şurasının videokonfrans formatında keçirilən iclasında Azərbaycan Prezidenti İlham Əliyevin səsləndirdiyi fikirləri şərh edərkən bildirib.
O qeyd edib ki, nə Koçaryan, nə Sarkisyan hakimiyyəti reallığı, bu gün hamımıza növbəti dəfə bəlli olan həqiqəti dərk edə bilmədi:
"Məhz onların rəhbərliyi ilə Qarabağın dağlıq hissəsi, eyni zamanda Qarabağ ətrafı rayonlar işğal olundu. Həmin rayonların hansı vəziyyətdə olduğunu da biz bu gün aydın şəkildə görürük. Bu erməni vandalizmidir. Bilirsiniz, insanın hərəkətləri onun düçüncələrinin tərcümanıdır. Bu gün bizim  Ağdamda, Füzuli, Cəbrayıl, Qubadlı, Kəlbəcərdə gördüklərimiz onların düşüncələrinin məhsuludur. Heç Stalinqrad Böyük Vətən Müharibəsində bu hala salınmamışdı. Biz bu gün orada -  uzun müddət işğal altında qalan ərazilərimizə baxış keçirərkən görürük ki, orada ümumiyyətlə bir həyat nişanəsi saxlanılmayıb. Bu təkcə Azərbaycan insanına qarşı deyil, ümumiyyətlə dünyada insanlığa qarşı törədilmiş bir cinayətdir".
Hərbi ekspert deyib ki, bu cinayətlərin məsuliyyəti məhz Sarkisyan və Koçaryanın çiyinlərindədir:
"Məhz onların fəaliyyəti dövründə Azərbaycana qarşı çox sərt, aqressiv təcavüz siyasəti həyata  keçirilib. Cənab Prezident vurğulayır ki, Paşinyan qısa müddətdə ordu yarada bilməzdi. Ancaq  bir şeyi də xüsusi vurğulamaq istəyirəm ki, bütün bunlar Koçaryan və Sarkisyan hakimiyyətinin ideologiyasının, həyata keçirdiyi dövlət siyasətinin, ordu siyasətinin bir nəticəsidr.

Видео Yekun xəbərlər 19.12.2020 (Xəbər Saatı) Qarabağda ermənilərin ŞOK HİYLƏSİ! - Təcili İzləyin! канала Musa Media