Ramiz Rövşən - İçindən yıxılır adam. Səid Cabarlı.

İfa: Səid Cabarli

Şeir: Ramiz Rövşən - İçindən yıxılır adam.

Təkcə gücsüzlüyündən
yıxılmır, atam balası,
Arabir gücündən yıxılır adam.
Başını dik tutub gəzdiyi yerdə
içindən yıxılır adam.
İllər boyu neçə dərdə
dözüb dayanır,
Qəfil sevincindən yıxılır adam.
Dünya qaçır ayağının altından – 
yıxılmır,
Bu dünyanın ən dəlisov atından
yıxılmır,
Amma bir kəpənəyin qanadından,
bir otun ucundan yıxılır adam.
…Gülmə hər yıxılana,
atam balası, gülmə, –
Elə bilmə
bu dünyada təkcə gücsüzlüyündən
ya da ki, acından yıxılır adam ...

Musiqi: Mark Eliyahu - Drops

İnstagram: https://instagram.com/said_cabarli

Видео Ramiz Rövşən - İçindən yıxılır adam. Səid Cabarlı. канала Said Cabarli