Ильхам Алиев открыл «Южный газовый коридор» - İlham Əliyev Cənub Qaz Dəhlizinin açılışında .

Azərbaycan Respublikasının prezidenti İlham Əliyev mayın 29-da Səngəçal terminalında Cənub Qaz Dəhlizinin rəsmi açılış mərasimində iştirak edib.

XXV yubiley Beynəlxalq Neft və Qaz sərgisinin də açılışı olub, mərasim sərginin keçirildiyi Bakı Ekspo Mərkəzində canlı yayımlanıb.

Prezident İlham Əliyev mərasimdə nitq söyləyib.

Açılış mərasimində ABŞ dövlət katibinin köməkçisinin enerji məsələləri üzrə müşaviri xanım Sandra Oudkirk çıxış edib.

S. Oudkirk çıxışında xüsusilə vurğulayıb ki, ABŞ Cənub Qaz Dəhlizi layihəsinə ciddi dəstək göstərir.

Böyük Britaniya baş nazirinin Azərbaycan üzrə ticarət elçisi Baronessa Emma Nikolson Böyük Britaniya və Şimali İrlandiya Birləşmiş Krallığının Baş naziri xanım Tereza Meyin mərasim iştirakçılarına müraciətini oxuyub.

Tereza Mey öz məktubunda qeyd edib ki, Böyük Britaniya şirkətləri indiyədək Azərbaycana milyardlarla dollar investisiya yatırıblar və “biz bundan sonra da ölkəyə sərmayə yatırmaq və əməkdaşlığı genişləndirmək istəyirik”.

O, həmçinin ölkəsinin Azərbaycanla digər sahələrdə də əməkdaşlıqda maraqlı olduğunu bildirib.

Türkiyənin Azərbaycandakı səfiri Erkan Özoral prezidentiRəcəb Tayyib Ərdoğanın müraciətini səsləndirib.

Türkiyənin dövlət başçısı öz müraciətində Azərbaycan Prezidenti İlham Əliyevi Cənub Qaz Dəhlizinin açılışı münasibətilə təbrik edərək, bu günün Azərbaycan və Türkiyənin tarixinə düşəcəyini vurğulayıb.

Sonra Neft İxrac Edən Ölkələr Təşkilatının (OPEC) baş katibi Məhəmməd Barkindo, Qaz İxrac Edən Ölkələr Forumunun baş katibi Yuri Sentyurin və BP Group Upstream-in baş icraçısı Bernard Luney çıxış ediblər.

Daha sonra “Şahdəniz 2” / Cənub Qafqaz Dəhlizi layihələri haqqında BP tərəfindən hazırlanmış videoçarx təqdim olunub.

Sonda prezident İlham Əliyev Cənub Qaz Dəhlizinin açılışını edib.

Видео Ильхам Алиев открыл «Южный газовый коридор» - İlham Əliyev Cənub Qaz Dəhlizinin açılışında . канала Xan TV