Санаулы сәттерден соң қазақ ғарышкері Айдын Аимбетов ғарышқа ұшады

Бүгін – қазақ елі үшін тарихта алтын әріппен таңбаланатын күн. Санаулы сәттерден соң экипаж құрамында үшінші қазақ ғарышкері Айдын Аиммбетов бар зымыран көкке көтеріледі.

Бұл сәтті халқымыз 14 жыл күткен болатын. Қазір ел-жұрт бар шаруасын ысырып қойып, Байқоңыр кешеніне көз тігіп отыр.

Нұрбек байбосын, тілші

-Қайырлы таң əлеумет. Ғарышкерлер түнгі сағат 3:30-да «Космановт» жатын жайынан Гагарин атындағы ұшыру айлағына қарай бет алды. Айта кетейік, экипаж бен дублерлар кестеге сай ұшу алдындағы түнде күндегіден ерте ұйқыға жататындығын мамандар ескерткен. Себебі бұл олардың қалыпты режимді сақтауларына көмектесетін көрінеді. Олардың бүгінгі əрбір қадамы түсірілім тобының назарында. Олар ғарыш кемесіне беттемес бұрын, арнайы киімдерін киді. Ол скафандра əрине. Оған ғарышкерлер тым көп уақытын шығындамады. Мұнда барлығы да жоспарға сай, өз уақытымен жүруде. Ғарышкерлер тек осыдан соң мемлекеттік комиссия мен ғарышқа ұшуды ұйымдастырудағы жауапты мамандарға жолығып, экипаж сапарға дайын екендіктерін жеткізді. СОЮЗ ТМА 18М ғарыш кемесі де əуеге көтерілуге сақадай-сай. Қазір экипаж зымыранның бортына жайғасты. Ұшу сағат 10:37 мин өткенде деп жоспарланған. Оған əлі жарты сағаттай уақыт бар. Сонымен Байқоңырдан ұшатын зымыран Халықаралық ғарыш станциясына дейін екі тəулікте жететін болады. Ал қазақстандық ғарышкер Айдын Ақанұлының сапары 8 тəулікке ұласады. Данияның тұңғыш ғарышкері Андреас Могенсеннің де ғарыштағы уақыты осылай. Ал экипаж командирі Сергей Волков 188 тəулікке қалып, ғылыми жұмыстарын жандандырады. Себебі бұл Волковтың алғашқы ғарышқа сапар шегуі емес. Бүгін қазақстандық Айдын Аимбетовтің ғарыш сапарына демеу білдіріп, қолдау көрсетіп келгендер тек қана отбасы туысқандары ғана емес. Мұнда Үкімет басшысының орынбасары Бердібек Сапарбаевтан бастап, қазақтың қос қаһарман ұлдары, аты аңыз болған ғарышкерлер Тоқтар Əубəкіров пен «Қазғарыш» төрағасы Талғат Мұсабаев та осында.

Халықаралық ғарыш стансасына ұшу уақыты таңертеңгі 10-нан 37 минут кеткенде болады деп жоспарланған. Осы тарихи сәтке байланысты арнамызда он жарымда арнайы шығарылым болады.

Видео Санаулы сәттерден соң қазақ ғарышкері Айдын Аимбетов ғарышқа ұшады канала Khabar Old channel