33/06 Հիսուս Քրիստոս / Hisus Qristos - Միլազիմ Ռասոյան

ՀԻՍՈՒՍ ՔՐԻՍՏՈՍԸ
Մեկ անձն է նա Սուրբ աստվածության, Միածին Որդին, Աստծո էության:
Աստծուց դուրս եկավ, ոչ թե արարվեց, Աստծո զորությամբ կույսից նա ծնվեց:
Մարդկային մարմին ու բնույթ վերցրեց, և այդ մարմնում նա երկրպագվեց:
Մեզ նման փորձվեց, բայց մեղք չգործեց, և որպես Սուրբ Գառ մեզ համար զոհվեց:
Իր սուրբ արյունով մեր մեղքերը քավեց, և մեղքն ու մահը իր մարմնում դատեց:
Փրկություն տվեց նա խաչի մահով, հարություն առավ հենց նույն մարմնով:
Երկինք ելնելով Հոր աջում նստեց, երկինք ու երկիր իր ձեռքը տրվեց:
Նա է Փրկիչը ամբողջ աշխարհի, որ հավատացողը Չարից ազատվի:
Հիսուսը Հոր փառքով կվերադառնա, Սուրբ մեռյալներին հարություն կտա:
Նրանց հետ մեկտեղ երկրից սուրբերը, կհափշտակվեն դեպ իրենց Տերը:
Դարերի վերջում մեր Հիսուս Տերը, ի լույս կբերի մարդկանց գործերը:
Արդարը կգնա հավերժական կյանք, իսկ անիրավը դեպ հավերժ տանջանք:
Եւ Տեր Հիսուսը կթագավորի, իր իշխանությանն էլ վերջ չի լինի:
Աստված կվերցնի արցունքն ու մահը, աչքով կտեսնենք մեր Տիրոջ գահը:

Видео 33/06 Հիսուս Քրիստոս / Hisus Qristos - Միլազիմ Ռասոյան канала CBJC TV