მაესტრო მერაბ ჯალიაშვილი

1959 წელს საქართველოს ტელევიზიის პირველმა რეჟისორმა მერაბ ჯალიაშვილმა ოპერატორ თენგიზ ლომიძესთან ერთად თამარ ჩხეიძის ნოველის მიხედვით, მედეა ლორთქიფანიძის ორიგინალური სცენარით პირველი ქართული ტელეფილმი „დედის ხელი“ შექმნა. ფილმში მონახული იქნა ტელევიზიისთვის სრულიად უცხო და ინოვაციური ფორმა. ვინაიდან, ჟანრი ტელეფილმი ჯერ კიდევ არ არსებობდა ეს იყო გლობალური მნიშვნელობის სიახლე. პირველი ქართველი ტელერეჟისორის, პირველმა ტელეფილმმა ფურორი მოახდინა და ტელეფილმების პირველ საკავშირო დათვალიერებაზე უმაღლესი ჯილდო დაიმსახურა, რის შემდეგაც საკავშირო ფესტივალებზე მუდმივად ქართული ტელეფილმები იმარჯვებდნენ. ფილმის „დედის ხელი“ შემდეგ მერაბ ჯალიაშვილმა ტელესტუდიაში შექმნა მოკლემეტრაჟიანი ფილმები: „დავით მახარაძის ოჯახი“, „მღერის ბორჯომის ნაძვი“, „თოჯინების სამყაროში“, „ქალიშვილი და მზე“, რომელიც პირველი ფერადი ტელეფილმი იყო ჯერ კიდევ შავ-თეთრი ტელევიზიის ეპოქაში. განსაკუთრებით, აღსანიშნავია რომ ამ ფილმში, პირველად იქნა გამოყენებული წყალქვეშა გადაღების მეთოდი. მერაბ ჯალიაშვილის ფილმებმა სათავე დაუდეს ახალ მიმდინარეობას და კინოხელოვნებაში ქართული ტელეფილმის ცალკე დარგად გამოყოფის აუცილებლობა განაპირობეს. ასე რომ, დღეს ძალიან პოპულარული ჟანრის-ტელეფილმის შემქმნელები და დამფუძნებლები ქართველები იყვნენ!

Видео მაესტრო მერაბ ჯალიაშვილი канала Erekle Mtkvareli