Galegos no mundo - Programa 28: Zúric

Emitido na TVG o 2/5/12. Baixo o prisma dos que saen ata calquera parte do planeta para cambiar de vida ou buscar un novo destino, hoxe coñecerán en "Galegos no Mundo" as historias de seis galegos que viven nunha das capitais mundiais das finanzas e que alberga algúns dos bancos máis importantes do mundo, Zúric, onde a lenda di que debaixo das súas rúas hai toneladas de ouro.

Desde Zúric, galardoada co título de cidade con mellor calidade de vida do mundo, onde non todo son cartos senón que tamén conta con xente acolledora, coñecerán o día a día de Claudio González, do Porriño, hostaleiro, que vive desde pequeno en Suíza; Francisco Nogueiras, de Lamas (Xinzo de Limia), dono dunha empresa de limpeza que traballa para os mellores bancos; Fátima García, de Carballo, empregada dun xardín de infancia; Marcos García, de Vilagarcía, produtor televisivo, e o seu amigo Carlos Abad ("Gran Purismo"), un rapeiro de Pardeconde (Ourense), os dous fillos de emigrantes, e Lara Esteban, da Coruña, que leva un ano traballando como organizadora de viaxes para xente australiana e americana.

A continuación, a TVG emite outra entrega de "Galegos no Mundo" pero da temporada anterior. Nesta ocasión, os espectadores volverán ver a entrega do Porto, a cidade das sete pontes, dos viños doces e da arquitectura e desde onde seis galegos singulares, procedentes de Pontevedra, Vigo, Mondoñedo (Lugo), Vila de Cruces (Pontevedra) e Palas de Rei (Lugo) compartiron as súas experiencias nesta cidade.

Видео Galegos no mundo - Programa 28: Zúric канала Televisión de Galicia