Şəmkirdə təsərrüfat sahibləri məhsullarını sata bilmir

Şəmkirdə təsərrüfat sahibləri məhsullarını sata bilmir

Şəmkirdə fermerlər əkdikləri məhsulların yaxşı satılmadığından, bununla da maddi vəziyyətlərinin getdikcə çətinləşdiyindən şikayətçidirlər.

Oxu.Az-ın bölgə müxbiri xəbər verir ki, təsərrüfat sahibləri hazırda ən acınacaqlı vəziyyətin pomidor satışında hökm sürdüyünü deyirlər.

Onlar iddia edirlər ki, xarici bazarlara, xüsusən, Rusiya bazarlarına məhsul satışı dayanıb, buna görə də təsərrüfat sahibləri çətin vəziyyətə düşüblər. Yerli bazarlarda isə satışa çıxarılan pomidorlar nəinki qazanc gətirir, heç maya dəyərini belə ödəmir.

Şəmkir Dövlət Aqrar İnkişaf Mərkəzindən məsələ ilə bağlı bildiriblər ki, indiki halda rayondan Rusiya bazarlarına məhsul ixracı ilə bağlı heç bir problem yoxdur:

“Bol məhsul olduğundan qiymətlər ötən ilə nisbətən aşağıdır, amma xarici bazara məhsulların satışında heç bir problem yoxdur. Onu da qeyd edək ki, Şəmkir rayonunda mindən artıq istixana var”.

Məlumat üçün bildirək ki, Şəmkir qərb bölgəsinin əsas təsərrüfat rayonlarından biridir. Ölkədəki istixanaların təxminən 70 faizi bu rayonun payına düşür.

https://oxu.az/economy/317806

---
Baku.tv 2018-ci ilin fevral ayında yaranıb.

Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz: https://www.facebook.com/www.baku.tv/
https://oxu.az

Видео Şəmkirdə təsərrüfat sahibləri məhsullarını sata bilmir канала Baku TV