ÖVLADI İLƏ BİRGƏ DÖYÜŞƏN ATANIN HEKAYƏSİ

Vətən müharibəsində oğlu ilə çiyin-çiyinə döyüşən Çingiz Qəhrəmanov 27 il sonra öz arzusuna çatıb. Doğmalarının məzarının olduğu Laçın rayonunun Səfiyan kəndinə ayaq basan ilk azərbaycanlılar məhz onlar olublar. Onun və övladının hekayəsi xarici medianın da diqqətini cəlb edib. Anadolu Agentliyi ata-oğul döyüşçülər – Çingiz və Rəşad Qəhrəmanovlar haqqında reportaj hazırlayıb.
Birinci Qarabağ müharibəsinin iştirakçısı olan Çingiz Qəhrəmanov vətən müharibəsi başlayanda yenidən orduya qoşulub. Gözünü açandan atasının döyüş xatirələri ilə böyüyən Rəşad da bu dəstəyə qoşulub. Laçının Səfiyan kəndində Çingiz Qəhrəmanov doğulub boya-başa çatdığı evlərini tapıb. Heç vaxt bu torpaqları görməyən oğlu Rəşadla birlikdə bir gecə doğma ata evində qalıb.
Çingiz Qəhrəmanov deyir ki, bu 44 gün ərzində oğlu ilə daha çox dost, döyüş yoldaşı olub. Amma atalıq duyğusu döyüş meydanında da özünü göstərib. Deyir ki, güllə yağışına düşəndə oğlunu qorumaq üçün özünü ona sipər edib. Bir neçə dəfə yüngül yaralansa da, indi səhhətində heç bir problem yoxdur. Ən böyük arzuları Laçına rahat şəkildə getmək, doğma evlərinə qovuşmaqdır.

Видео ÖVLADI İLƏ BİRGƏ DÖYÜŞƏN ATANIN HEKAYƏSİ канала CBC FM Azerbaijan